Andvaka

Það er ömurlegt að vera andvaka. Síðan á aðfaranótt mánudags hef ég átt ferlega erfitt með að ná að sofna :/ Þó ég fari uppí um miðnætti næ ég aldrei að sofna fyrr en svona 4-5 eða e-ð... óþolandi! Hef ekkert mætt í skólann alla vikuna út af þessu, ég bara geeet ekki vaknað eftir 3-4 klst svefn... ekki séns :/ Er líka búin að vera í vondu skapi síðan síðasta laugardag... er pirruð og fúl og nenni ekki að gera neitt... er orðin frekar leið á sjálfri mér satt að segja. En ég kenni vondaskapsálfinum um.. hann hlýtur að hafa bitið mig :P

Fyrir næstum tveimur mánuðum síðan var ég "kítluð" af henni Lóu Möggu. Svo var ég kítluð af henni aftur fyrir svona tveimur vikum síðan (held ég). Þar sem ég var komin með upp í kok af öllum þessum kítl og klukk færslum hjá fólki ákvað ég að látast ekki hafa séð þetta... Þar sem ég lá andvaka í nótt fór ég hins vegar að pæla í hvað ég gæti sett í svona "kítl-lista" og því er það andvökunóttum mínum að kenna/þakka að ég ætla loksins að bregðast við þessu kítli.

Og hér kemur það..:

7 staðir sem ég vil sjá:
- Egyptaland (pýramídar)
- Perú (Inka-pýramídar)
- Madrid (Prado safnið)
- Tokyo (Öðruvísi menning)
- Aþena (Byggingar)
- Nýja Sjáland (náttúra)
- Kambódía eða Víetnam (get ekki valið á milli)

7 hljómsveitir/tónlistarmenn sem ég held miiikið uppá:
- Blonde Redhead
- Supergrass
- The White Stripes
- The Cure
- System of a Down
- Led Zeppelin
- Marilyn Manson

7 hlutir sem ég ætla mér að gera:
- Verða betri í að tala frönsku og spænsku (og dönsku....)
- Eiga gæludýr
- Prófa að búa á Spáni og kannski í fleiri löndum
- Reyna að ferðast til amk einnar nýrrar borgar á hverju ári þar til ég drepst
- Muna alltaf eftir þeim sem eiga erfitt og styrkja góðgerðarmál
- Eignast marga nýja vini og reyna eftir bestu getu að halda þeim sem ég á nú þegar
- Verða hamingjusöm

7 hlutir sem ég vil ekki gera/vera:
- Gera hluti sem ég þarf að sjá eftir að hafa gert
- Koma illa fram við eða særa annað fólk (nema það eigi það fyllilega skilið)
- Vera fordómafull (en ég er það samt)
- Dæma fólk eftir útlitinu (en ég geri það samt eins og allir)
- Vera óheiðarleg
- Vera óhreinskilin
- Vera svartsýn (en ég er það samt stundum, fylgir því að vera raunsæ)

7 orð sem lýsa mér:
- Letihaugur
- Hugulsöm
- Raunsæ
- Skapstór
- Nörd
- Nautnaseggur
- Flippuð

7 leikarar sem mér finnst afsakanlegt að slefa yfir:
- Johnny Depp (!!!)
- Viggo Mortensen (t.d. sem Aragorn)
- Colin Firth (t.d. sem Mr Darcy)
- Hugh Jackman (t.d. sem Eddie Alden)
- Brad Pitt (t.d. sem Achilles)
- Naveen Andrews (sem Sayid Jarrah)
- Josh Holloway (sem Sawyer)

7 manneskjur sem ég ætla að kitla:
- Vil
- ekki
- gera
- neinum
- þann
- grikk
- !!!

Var að pæla í að skrifa "7 hlutir sem heilla mig í fari hins kynsins (eins og svo margir hafa gert) en e-n veginn fannst mér það of persónulegt. Hvað finnst ykkur? :P

Strax daginn eftir að ég skrifaði síðustu bloggfærslu varð ég vitni að svolitlu sem mig langaði að blogga um... en ákvað að gera það ekki þar sem ég var svo nýbúin að blogga. Ég varð vitni að slagsmálum. Það var frekar.. óhugnalegt.. ég á mjög erfitt með að horfa upp á ofbeldi (eins og örugglega flestir). Hef aldrei getað skilið hvernig fólk getur t.d. horft á box, mér líður svo illa ef ég horfi á e-ð svoleiðis :/
Allavega, ég var s.s. á leið heim úr skólanum og stend og bíð eftir strætó ásamt hóp af öðru fólki. Þetta er s.s. á gangstétt fyrir utan íbúðarhús. Eftir nokkrar mín koma tveir lögreglumenn út úr húsinu sem er þarna (dyrnar í svona 4 metra fjarlægð frá strætóstoppinu) og með þeim e-r maður sem þeir kveðja og svo labba þeir í burtu. Þegar þeir eru nýfarnir (komnir í svona 15 metra fjarlægð kannski) kemur út annar maður og fer e-ð að segja við hinn. Hann labbar alveg að honum... og allt í einu eru þeir farnir að slást! Sá sem kom út á eftir hinum lendir næstum því strax undir og sá sem er oná fer að berja hann aftur og aftur og aftur í andlitið.
Meðal þeirra sem biðu þarna eftir strætó var ung kona með tvö börn, strák og stelpu sem eru kannski svona 4 ára. Þeim er náttúrulega mjög brugðið og stelpan fer að hágráta. Lögreglumennirnir eru komnir svona 20-30 metra í burtu og taka ekki eftir neinu fyrr en móðir litlu krakkana fer að garga á mennina að hætta að slást, það séu lítil börn á staðnum og þeir séu að hræða þau. Þá snúa lögreglumennirnir sér við, sjá hvað er að gerast og hlaupa tilbaka. Þeir handtaka annan manninn en sleppa hinum...
Veit ekki hvað olli þessum slagsmálum en mig grunar að það hafi verið að henda öðrum hvorum út úr húsinu þar sem þeir voru með e-r ferðatöskur... Kannski ekki merkilegt en jáhm.. fannst þetta ekki skemmtilegt.

Annars er ekki svo mikið að frétta... allar krufningar búnar í skólanum í bili... síðustu vikuna sem krufið var krufði ég eðlu, frosk og mús. Músin var pottþétt ógeðslegust, var svo vond lykt af henni. Það var líka heldur óhugnalegt að kryfja froskinn, einfaldlega af þeirri ástæðu að við vorum með nokkra lifandi froska í búrum í stofunni líka, fannst hálf grimmt að kryfja "bræður" þeirra þar sem þeir gátu séð til :P

Svo fer ég að fylgjast með krufningu á líki í janúar á spítalanum í Gentofte. Hljómar spennandi ekki satt? Þetta er ekki beint hluti af kúrsinum... þetta er valfrjálst og utan skólatíma... en nánast allir í bekknum hafa skráð sig í þetta, þannig ég ákvað að fara líka. Þetta mun verða... áhugavert! Ætla að setja hérna tvo linka fyrir ykkur sem tengjast þessu umræðuefni svolítið. Hérna er einn og hér er annar.

Í síðustu viku var Julefrokost hjá "bekknum mínum". Ég var reyndar eiginlega veik þennan dag, með massa hausverk en ákvað að taka bara verkjalyf og fara samt. Sé alls ekkert eftir því! Þetta var mjög gaman! Ég dýrka dani, þeir eru svo skemmtilega flippaðir, opnir og yndislegir! :D
Þessi Julefrokost var frekar óvenjulegur að því leitinu til að það var búningakeppni í gangi þannig margir mættu í búningum :D Voru þarna nokkur jólatré, snjókarl, jólasveinar, jólasveinkur, bjórflaska, Rúdolfar,.. etc. Þetta skemmdi sko ekkert stemminguna ;) Þetta var svo haldið s.s. í sal á kollegíunni hjá einum strák í bekknum, ekki svo langt frá þar sem ég bý. Salurinn er á jarðhæð og snýr að götunni. Það eru gluggar frá gólfi til lofts þannig allir sem labba framhjá sjá inn... sem var frekar fyndið... sérstaklega þar sem þegar við vorum að borða þá komu þarna hópur af gaurum (svona 14-18 ára kannski) og fóru að horfa inn. Þeir héngu svo þarna heillengi og fóru að dansa fyrir utan gluggana og e-ð.. það var mega fyndið :D
Anyhow... allir áttu að mæta með e-ð á hlaðborðið og var það allt saman mjög vel heppnað. Það átu pottþétt allir á sig gat! :D Reyndar var ekki alltaf mikill friður til að borða.. af nokkrum ástæðum. Í fyrsta lagi þá var fólk alltaf að skála! Hvort sem það var bara af því að e-m datt það í hug, fólk var að fá sér snafs eða e-r bankaði í "Skåle-kålet" (don't ask :D) þá var það oft... Í öðru lagi af því að ekki bara voru mistillteinar hengdir þarna út um allt heldur voru þau líka með kústskaft sem þau höfðu límt mistilltein á endan á. Þetta gengu þau með um á meðan við sátum og vorum að borða og settu fyrir ofan á hausinn á varnarlausu fólki sem sat þarna og borðaði í sakleysi sínu. Sama hversu fullan munninn fólk var með, engin vægð var sýnd og auðvitað var tekin mynd í hvert sinn... ;P (verður forvitnilegt að sjá myndirnar þaðan)

Anyhow... það vantaði ekki uppátækjasemina hjá þeim sem skipulögðu þennan julefrokost því fyrir utan það sem ég nefndi áðan þá var sérstakur leikur sem var til þess að finna út hvar maður ætti að sitja við borðið. Strákar og stelpur þurftu að draga miða úr sitthvorum pokanum... á miðanum stóð svo e-ð dýranafn og þurfti maður að finna borðherrann sinn/dömuna með því að ganga um og gefa frá sér það hljóð sem fylgir þessu dýri... Það var frekar... skrautlegt :D Ég var nú bara ágætlega heppin með borðherra... hann var allavega svo sætur að bjarga mér frá því að vera neydd til að drekka snafs (ákavíti), sem ég var mjööög þakklát fyrir! :)

Svo voru líka miðar undir diskunum manns... sem sögðu manni að gera e-ð. Þeas. sumir fengu miða um að þeir ættu að gera eða segja e-ð ákveðið meðan setið var til borðs, aðrir áttu að ganga frá eftir matinn... og sumir fengu miða sem stóð á VIP. Eftir matinn komumst við að því hvað VIP-ið þýddi... þau þurftu að setja upp leikrit um fæðingu krists... og þurftu þau að draga e-a miða... sem skýrðu hvernig leikrit það ætti að vera... og þau drógu söngleik... greyin.. það var frekar skrautlegt.

Allavega... eins og alltaf þegar danir eru annars vegar þá var drukkinn MIKILL bjór þarna og eins og siður er í þessum jólaboðum.. .mikið af snafs (ákavíti). Þetta leiddi til þess að fólk var orðið ansi skrautlegt þegar líða tók á kvöldið...

Annars finnst mér vert að minnast á að ég var þarna að spjalla helling við einn af bekkjarbræðrum mínum.. og komst þá að því að hann hefur skrifað 3 bækur og þær verið gefnar út! Fannst þetta reyndar hljóma soldið eins og e-ð fylleríis bull en daginn eftir fletti ég þessu upp... og viti menn! Hann var að segja satt... og það sem meira er.. hann var 17 ára þegar sú fyrsta kom út! (Hann er 20 núna). Hefði reyndar ekki komið mér á óvart þó hann hefði verið að bulla þar sem hann var ansi drukkinn greyið... stuttu eftir að ég hætti að tala við hann sá ég hann hlaupa í átt að klósettunum og æla í lófan á sér rétt áður en hann komst inn... geðslegt...

Eitt í viðbót sem þessir flipparar sem skipulögðu þetta tóku upp á... Þar sem þetta var nú jólapartý og hvað eru jól án snjós? Þau ákváðu að láta snjóa.... og hvað er betra að nota sem gervisnjó en.... fjaðrir! :S Þau höfðu greinilega keypt þónokkra dúnkodda í þeim eina tilgangi að klippa þá í sundur... og fleygja öllum fjöðrunum yfir fólk! Þegar fyrsti koddinn var opnaður vissi ég ekki hvað ég átti að halda.. fylgdist bara með þessu og pældi hvað í ósköpunum hún væri að gera.. þangað til að hún gekk yfir til okkar... tók upp lúku af fjöðrum og henti framan í okkur! :D Ég er nokkuð viss um að ég hafi gleypt eina litla... var hóstandi alltaf öðru hvoru eftir þetta :P Og ég var víst ekki sú eina... Hálftíma eftir þetta var allt gólfið þarna ÞAKIÐ í fjöðrum...
Josef vildi meina að þetta væru pottþétt lundafjaðrir... héld fyrirlestur fyrir mig um hvernig maður þekkti muninn á gæsafjöðrum og lundafjöðrum og sagði að danir keyptu rosa mikið af lundafiðri frá Íslandi? Er e-ð til í því? Treysti nú ekki alveg því sem hann var að segja þarna enda var hann freeeekar mikið drukkinn... hann og borðherrann minn og einn í viðbót höfðu byrjað bjórdrykkjuna strax kl. 3 um daginn og því voru þeir löngu orðnir drukknir áður en partýið byrjaði... Tókst næstum að láta hann æla með því að pota í magann á honum þegar hann var að kvarta yfir því að hafa drukkið of mikið *evil* :D

Anyhow.. nóg um þetta? Skil ekki hvernig þið nennið að lesa allt sem ég skrifa... þið hljótið öll að vera haldin sjálfspyntingaþörf... eða kannski eigið þið við svefnörðugleika að stríða eins og ég? og lesið bloggið mitt til þess að sofna?

Allavega... ég var búin að lofa að labba með einni stelpu þarna niður á Nörrebro torg þar sem hún gæti tekið strætó... og þar sem henni var farið að líða e-ð illa eftir mikla snafsdrykkju strax um tvöleitið þá var ég dregin út þá þó mig langaði lítið að fara strax...

Ég labbaði með henni þangað þar sem hún tók strætó og rölti svo heim (stutt að fara). Eftir að hún var farin tók ég eftir því að fólk horfði frekar mikið á mig... eftir smá umhugsun komst ég að þeirri niðurstöðu að ástæðan fyrir því var að ég var ennþá með jólasveinahúfu á hausnum (skilda í julefrokostinn) og sú staðreynd að húfan var öll út í fjöðrum :) Ég ákvað því að labba húfulaus restina af leiðinni.... :P

Þegar heim var komið ákvað ég að kíkja aðeins í hinn julefrokostinn sem ég hafði verið boðin í þetta kvöld, þann sem var haldinn á kollegíunni minni. Þar var fámennt en góðmennt.


Nú eru bara nokkrir dagar í að ég fari til Suður-Frakklands þar sem ég mun halda upp á jólin ásamt fjölskyldunni, oh það á eftir að vera æði :D Hlakka svo til að koma á gömlu heimaslóðirnar aftur! *purrr*

Jæja.. ég nenni ekki meiru... enda komið miklu meira en nóg og ég orðin hræðilega þreytt. Ætlaði að vera löngu farin að sofa :/ Eitt samt... ég vil hvetja alla til þess að hugsa til þeirra sem minna mega sín núna um jólin (og bara alltaf). Gefið í góðgerðastarf eða e-ð... svona í anda jólana. Ykkur á eftir að líða svo vel eftirá ;)
T.d. getið þið styrkt þetta málefni. Ég gerði það allavega. Ég veit að það eru mörg önnur mikilvægari málefni sem hægt er að styrkja, fólk er að svelta og deyja úr kulda og vosbúð um heim allan núna... En ég valdi að styrkja Childsplay-verkefnið af því að ég veit hversu ömurlegt það er að vera sem barn vikum saman á spítala. Ég veit líka hvað það er ömurlegt að eyða nánast öllu jólafríinu á spítala... þannig mér fannst meira en sjálfsagt að styrkja þetta verkefni. Endilega tékkið á þessu.

Long time no see!

Jáhm, ég veit það er langt síðan ég hef bloggað... margar ástæður fyrir því sem ég nenni ekki að útskýra.

Kvöldið í kvöld er búið að vera áhugavert... fyrst "sprengdi" ég pottlok... sem varð til þess að glerbrot og glerflísar fóru yfir allt matarborðið mitt... og svo tókst mér að skera mig nokkrum sinnum (smávægilega) á hníf þegar ég var að vesenast við að fjarlægja e-r festingar af kápunni minni (sem hafa farið í taugarnar á mér síðan ég keypti hana síðasta vetur). Ég er pottþétt brussa og klaufabárður dagsins! :D

Hmm, hmm.. hvað á ég að segja ykkur? Uh.. bíómyndir... jáh.. ok... Ekki sjá Serenity hún er frekar hræðileg (trust me). Ekki eyða pening í að fara að sjá A History of Violence heldur, hún er ágæt en ekkert meira en það og skilur ekkert eftir sig. Farið frekar að sjá nýju Harry Potter myndina, hún er bara helvíti skemmtileg. Ég var reyndar líka dregin með að sjá In her shoes (ég er ekki mikið fyrir svona myndir, taka það fram strax) en hún er ekki svo slæm. Pottþétt muuuuun skárri afþreying en helvítis Serenity ruslið sem allir litlir sci-fi nördar virðast vera að fá sáðlát yfir. Hafið þið séð hvað þessi mynd er að fá á IMDB?! Hún er að fá alveg fáránlega háa einkunn og er á topp 250 listanum. Samt minnir þessi mynd helst á ferlega lélegan Star Trek þátt eða e-ð... Samtölin eru svo hræðileg að fullt af fólki í salnum var sí-flissandi yfir atriðum sem áttu sko alls ekki að vera fyndin. Söguþráðurinn var svo götóttur, asnalegur og klisjukenndur að það hálfa væri nóg. Persónurnar voru ekki sérlega áhugaverðar og leikurinn.. tja... allt í lagi fyrir sjónvarpsþátt... en fyrir bíómynd.. ég veit ekki. Það getur vel verið að þessi mynd sé æði fyrir þá sem hafa séð þessa sjónvarpsþætti sem þetta er víst byggt á... en aðrir ættu að halda sig eins langt í burtu frá þessari mynd og þeir geta.

Hér er gagnrýni sem ég fann um þessa mynd og hér að neðan eru brot úr henni:

Suffering through, I mean watching SERENITY is like starting at the 84th episode of a convoluted and silly sci-fi soap opera.

The whole story is about as clear as mud, so please forgive me if I get some of this wrong.

Its clunky recycled dialog, which produced big laughs from my fellow viewers, includes, "She's torn up plenty, but she'll fly true," and that old-faithful, "We're not alone!"

"We'll get through this," Simon (Sean Maher) says to his sister, a psychic named River (Summer Glau). As River answered Simon, I felt like she was speaking directly to me when she said, "It's going to get much, much worse," which the movie certainly did. While SERENITY actually runs a minute shy of two full hours, it felt more like four.

Okay, fjúff.. gott að koma þessu frá sér :P

Annar fór ég á Mugison tónleika á föstudaginn... það var ágætt. Nánast bara Íslendingar þarna.. að sjálfsögðu... Fannst þetta ekki nærri því jafn skemmtilegt hjá honum eins og þegar hann spilaði á Innipúkanum í sumar. Finnst hann yfirhöfuð ekkert svo rosalega áhugaverður tónlistarmaður... nenni ekki að hlusta á diskana hans... en.. hann er góður í að hrífa áhorfendaskarann með sér (þó svo að hann hafi ekki sýnt það neitt svakalega á þessum tónleikum) og þess vegna getur verið mjög gaman að sjá hann spila live.

Ég var að panta flug áðan. Til Íslands. Kem 28.jan og verð til 5.feb.

Tók eitt af þessum heimskulegu netprófum um daginn.. set niðurstöðurnar hér til gamans.

Your Brain is 53.33% Female, 46.67% Male

Your brain is a healthy mix of male and female You are both sensitive and savvy Rational and reasonable, you tend to keep level headed But you also tend to wear your heart on your sleeve

What Gender Is Your Brain?

Get ekki sagt að þær komi mér mikið á óvart :D Ég hefði satt að segja orðið hissa ef ég hefði fengið hærri "female" prósentu. Hef aldrei getað skilið svona stelpu-stelpur... og ég get ekki gert tvennt í einu... og ég hata bleikt.. og pils... og farða.. Þetta kom mjög snemma fram... ég átti bara stráka fyrir vini á leikskóla. Átti ekkert sameiginlegt með stelpunum þar... svo þær lögðu mig bara í einelti. (Jáh, Herdís og Elísabet ég man ennþá hversu miklar beljur þið voruð strax á leikskólaaldri. Hrafnhildur... þú varst líka einstaklega leiðinlegur krakki og komst illa fram.. og Ragnhildur var ekki mikið skárri) :D (Æj, það væri nú gaman ef þær læsu þetta en það er víst frekar ólíklegt). Nóg um þetta! :D

Mér er barasta búið að takast að koma mér ansi vel fyrir hérna í litlu sætu "íbúðinni" minni. Reyndar vantar mig ennþá baðherbergisskápinn sem ég keypti fyrir meira en mánuði (helvítis IKEA, þarf að hringja á morgunn og kvarta AFTUR). Vantar líka ryksugu.. og ofn.. en það stendur til að kippa því í liðinn. Svo þarf ég reyndar líka núna að kaupa nýjan pott :/ Gengur ekki að hafa loklausan grjónapott...

Þarna.. jáh.. ég þarf bráðnauðsynlega að fara að sofa núna... til að vera hress á fyrirlestrinum og í krufningunni á morgunn :P Vona að þið hafið það sem best lömbin mín :)

Ah.. btw.. ég ætla hér með að tilnefna Unni sem krútt vikunnar (Takk fyrir bréfið og diskinn :* )

Svo mæli ég með því að þið prófið að spila Nation States, hlustið á Supergrass og tékkið á Shima.
Yfir og út!

(P.S. Þessi færsla var skrifuð í gærkvöldi en blogger var með bölvuð leiðindi. Vantaði e-ð html tag sem var ekki séns að finna út hvað var. Þannig ég þurfti að taka allan kóðan, hreinsa út allt html-ið, búa til nýjan póst, peista textann hingað og setja þetta upp á nýtt. Þannig það getur verið að það vanti búta í færsluna og þess vegna kemur hún ekki upp fyrr en núna).

Jáh...

Í dag byrjaði ný önn í skólanum hjá mér. Rosalega skrítið að mæta svona aftur eftir langa fjarveru. Þetta er bara eins og að vera að byrja í þessum skóla aftur þar sem núna er ég í öðrum áföngum, með aðra kennara, í öðrum byggingum,... etc.
Fékk svo hrikalegt stresskast í gærkvöldi (allt of mikið að gera) að ég gat ekkert sofnað og var því hrikalega þreytt í dag. Ekki skemmtilegt svona fyrsta skóladaginn. Stundaskráin mín er frekar beygluð... útskýri það kannski fyrir ykkur seinna, hef ekki beint tíma í þetta núna.
Annars held ég að það merkilegasta sem ég gerði í dag hafi verið að skoða múslingasæði í 10 milljón króna rafeindasmásjá, spennandi ekki satt? :) Fram til loka janúar mun ég kryfja dýr þrisvar sinnum í viku. Meðal annars fiska, fugla, skordýr, mús... æj.. man ekki og er of löt til að fletta þessu upp. Er þreytt.
Annars var árekstur hérna útá horni áðan... og rosa slagsmál í kjölfarið víst... fullt af lögreglu og slökkvuliði kallað á staðinn og e-ð... ég var reyndar ekki vitni að þessu sjálf þannig...

Uhm uhm.. hvað ætlaði ég að segja fleira?? Jáh.. það var yndislegt að vera á Íslandi í síðustu viku, rosalega gaman að hitta alla sem ég náði að hitta. Því miður var ekki tími til að hitta alla, tæpir fimm dagar er aðeins of stuttur tími fyrir það. Uhm uhm.. ég var búin að lofa að senda e-r email og e-ð... það getur verið að það tefjist um nokkra daga, það er allt í einu geðveikt mikið að gera hjá mér.

Eitt að lokum.. í gær fór ég í bíó seinnipartinn með norskri stelpu sem er skiptinemi hér. Þar sem tívolíið blasti við okkur þegar við komum út úr bíóinu ákváðum við að kíkja þangað inn (kostar ekkert að kíkja ef maður er með árskort ;) ) Það opnaði nefnilega aftur á föstudaginn. Og váh! váh! váh! hvað það er yndislegt að koma þarna! Þetta er svo allt annað en að koma þarna en á sumrin! Þetta eru bara jólin, þú kemur þarna inn... og þér finnst þú bara vera 7 ára og það sé komið aðfangadagskvöld. Jólaskap, almennilegt jólaskap.. hef ekki komist í svoleiðis í e-r ár... en bara við að labba þarna inn... æj, þið verðið bara að prófa að fara þarna :)

Klakaland here I come!

Í þessari viku fékk ég loksins danska kennitölu, það þýðir að það hefur verið mikið að gera hjá mér. Vesenast með að stofna bankareikning, kaupa tryggingar, breyta skráningunni minni hjá skólanum og svona ýmisleg skemmtilegheit. En jáh, ég er eiginlega of þreytt til þess að vera að skrifa e-a langa færslu núna (yesss! heyrist í sumum....???) plús það að ég þarf að fara að sofa sem fyrst þar sem ég þarf að vakna á morgunn til að fara í flug. Jáhm, það er loksins komið að því að heimsækja Klakaland aftur :) Stutt heimsókn... bara í 5 daga... en það er allavega e-ð :) Dugir til að hitta fjölskyldu og vini og það er það sem skiptir máli.
Annars fór ég og keypi hluta af því sem ég þarf fyrir næstu "blokk" um daginn. S.s. aðra af bókunum sem ég þarf, bók í lífefnafræði sem er næstum 3 kg á þyngd. Og.... krufningasett! :D Svona lítil sæt dolla... svona eins og pennastokkur að stærð.. og lítur eins út.. en í staðinn fyrir blýant, strokleður og reglustiku inniheldur boxið tangir, skæri, nál og hníf :D :D Hinn áfanginn er s.s. komparativ anatomy... þar mun ég vera að skera í sundur fullt af litlum sætum dýrum.... víj?
Btw Animal planet er orðin uppáhalds sjónvarpsrásin mín! Dýrka suma þættina þar :D

Uhm.. uhm.. í gær... sá ég löggu í nammibúð að vera að velja sér nammi í poka. Í dag labbaði ég framhjá Rundetaarnen og fattaði að mér hafði tekist að fara fram hjá honum áður ÁN þess að fatta að þetta væri hann. Böh, ég ætla að fara að sofa... er alveg óhugnalega þreytt.. og mér er illt í maganum. Nýbúin að borða á kebab staðnum hérna útá horni (max 2 klst síðan), vona að ég sé ekki að vera e-ð veik af því :S Allavega, vonast til að hitta ykkur sem flest núna á næstu 5 dögum... endilega hringið í mig, verð með gamla númerið mitt :) Adios!

Haaaaaaaalló! :)

Æj, það er æði að búa í borg :) Ég kann betur og betur við það með hverjum deginum! Það er stutt í allt og fjölbreytileikinn er mikill. Ég er meira að segja næstum því farin að kunna vel við þegar kirkjuklukkurnar hringja kl. 8 á morgnanna, BEINT fyrir utan gluggann minn :P Það er e-ð... kósí við það :) Þarf líka að fara að kíkja inn í þessa kirkju e-r tímann. Því að þó ég sé trúleysingi þá hefur mér alltaf fundist kirkjur rosalega fallegir staðir. Ég alveg elska að skoða gamlar-stórar- helst dimmar kirkjur. Minnir að það hafi verið ein sérstaklega flott í Granada og svo er auðvitað París full af þeim... En jáh.. út fyrir efnið. Ég hef nefnilega aðeins séð inn um gluggana á þessari kirkju og hún virðist vera ágætlega flott að innan.

Hverfið mitt er líka svo sætt. Gatan sem ég labba til að fara út í búð er æðisleg. Hún er svo sæt, svo margt að horfa á. Sumum finnst þetta kannski ekkert merkileg gata eða finnst hún etv ljót en mér finnst hún sæt. Rosalega sætur húsagarður í miðri götunni, hrikalega brattar trétröppur sem liggja niður að svona... kjallaradyrum... útflúrað/útskorið/e-ð í kringum margar hurðir þarna... frekar gömul ofboðslega sjarmerandi hús. Um daginn sá ég líka eitt í þessari götu sem mér fannst ofboðslega sætt... e-ð sem margir myndu líklega kalla skemmdarverk eða "veggjakrot" eða subbuskap. En það var s.s. búið að mála setningu á gangstéttina á einum stað. Setningin snýr að húsinu við gangstéttina og er s.s. beint á móti innganginum á þessu tiltekna húsi, beint þar sem tröppurnar enda. Þannig þegar e-r kemur út úr þessu húsi þá getur þessi setning, skrifuð með stórum hvítum stöfum, ekki farið framhjá henni... blasir beint við. En þarna s.s. stendur "I FUCKING LOVE YOU". Er það bara mér sem finnst þetta sætt? Okay okay, þetta er heldur langt gengið... en það að e-r hættir á það að vera handtekin fyrir á mála á gangstétt til þess að koma því til skila til manneskju (sem kannski neitar að tala við hann/hana) að viðkomandi elski hina manneskjuna... mér finnst það sætt. Þið dæmið sjálf hvað ykkur finnst...

Anyhow... ég hef ekki svo mikið að segja :) Var að tæma síðasta kassann áðan.. s.s. af kössunum sem ég lét senda hingað frá Íslandi, allar mínar eigur nánast. Þessi var fullur af smádrasli, uppskriftum og e-u fleiru. Hef virkilega ekki nennt að tæma hann hingað til, vissi ekkert hvar ég átti að setja þetta drasl. En þar sem mér tókst að troða kössunum upp á vin minn sem er að fara að flytja líka og hann er að koma að sækja þá á þriðjudaginn þá neyddist ég til að tæma þann síðasta. Þannig eftir þriðudaginn.. verða kassarnir farnir út.. og herbergið mitt verður enn fínna! Nenni samt ekki að taka fleiri myndir! Tók betri myndir af því núna um daginn þegar Gúndi kom í heimsókn (með fínu myndavélina sína). Mér finnst hálf skrítið að vera e-ð að setja þær myndir hér inn á síðuna... þannig bara... þið sem hafið áhuga á því að sjá þær.. sendið mér e-mail eða potið í mig á msn.. skal senda ykkur þær í e-maili :)

Á morgunn ætla ég að þvo þvott... í annað skipti síðan ég kom hérna.. jibbí jeij... vona að það gangi jafn slysalaust og í fyrra skiptið! Líkar ekkert allt of vel við þessa blessuðu þeytivindu... en maður þarf held ég að setja þvottinn í hana áður en maður setur hann í þurrkarann.. bölvað vesen sko. En maður þarf víst að passa sig að gera það rétt... annars tætir hún fötin manns :S Finnst heldur ekkert gaman að fara með þvottinn upp og niður ekkert-of-skemmtilegan stiga tvær hæðir... ekki sniðugt þegar jafn klaufsk manneskja og ég er á ferð :D Passa mig á að taka símann alltaf með mér þegar ég fer þarna niður... ef mér skildi nú takast að slasa mig eða e-ð :D

Jæja... ég ætla að fara að koma mér að sofa bráðlega... er búin að vera að fara allt of seint í rúmið og seint á lappir undanfarið. Á... fimmtudaginn (held ég) skrapp ég niðrí bæ í bókabúð og ákvað þar.. að kaupa mér eitt stk bók. Bókin sem mig (mér? ég er vonlaus í málfræði) langaði mest í ("Veronika Decides to Die") virtist ekki vera til þarna þannig ég endaði á að kaupa "Darkly Dreaming Dexter". Ég byrjaði þó ekki strax á henni þar sem ég var að lesa "By the Pricking of My Thumbs" eftir Agöthu Christie. Á föstudagskvöldið... upp úr miðnætti.. kláraði ég svo þá bók... og byrjaði á Dexter. Á laugardagskvöldið... var ég komin svo langt í Dexter að ég ákvað að reyna að klára hana.. gafst upp kl. 3 en kláraði hana svo þegar ég vaknaði.
Það eru svona.. kjánalegheit sem eru að valda því að ég er að fara seint að sofa... ekki það að ég sé að hanga út á næsta bar öll kvöld eða e-ð :) I wish... Mér hálf leiðist þessa daganna.. vantar fólk til að hitta. Hef ekki haft tíma/tækifæri til að vera kynnast fólki hérna síðan ég flutti út, allt verið í of miklu rugli. Þannig núna er ég voða mikið ein og fá tækifæri gefast til að kynnast fólki. Enginn skóli síðan 15.okt... og verður enginn skóli fyrr en 14.nóv... og það eru engin partý því allir á brautinni eru að læra fyrir próf. Þannig ég verð víst bara að sætta mig við það. Ég kann ekki sniðugar leiðir til að kynnast nýju fólki, ég er feimin... þannig ég læt mér bara leiðast smá. Í bili. Í næstu viku (5.-10. nóv) er það Íslandsheimsókn og þegar ég kem til baka er stutt í að skólinn byrji aftur :)

En þarna.. eitt enn: http://www.peta2.com/takecharge/swf/dogcatfur.swf (VARÚÐ ÓGEÐSLEGT!) :/ Finnst bara að fólk eigi samt að vita hvernig er verið að fara með dýr og HUGSI SIG TVISVAR UM áður en það kaupir loðfeldi eða skinnhanska eða skó eða whatever. Oh, fólk er fífl! Fífl, fávitar, hálfvitar, kúkalabbar, ógeð... ! Stundum skammast ég mín virkilega mikið fyrir að vera manneskja, t.d. við það að horfa á þetta myndband. Við ættum að skammast okkar fyrir að láta þetta viðgangast.

Jæja, hætta þessu áður en ég held mikið áfram á þessum neikvæðu nótum... :) Vona að þið hafið það öll sem best og svo framvegis...

P.S. Ég lýsi hér með eftir Le Tigre disknum mínum. Hann er horfinn :/ Var reyndar horfinn áður en ég flutti út. Þannig hann er að öllum líkindum á Íslandi. Ég er með hulstrið en diskinn vantar :/ Diskurinn er vibbalega bleikur að lit (já mér finnst bleikur ekki fallegur litur) með grænum stöfum þar sem stendur Le Tigre. Ég lánaði hann held ég síðast til Sillu (í vor?) en ég held samt að hann hafi alveg verið í hulstrinu þegar ég fékk hann til baka (ég athuga það yfirleitt). Þannig... líklega er hann heima (týndur og tröllum gefinn?)... en ef e-r er með hann.. láta mig vita :)

Langt síðan síðast...

Jæja, nú hef ég loksins tíma og er í nógu góðu skapi til að blogga :)

Ætla að renna yfir hvernig síðasta vikan hefur verið.... Þessi færsla verður líklega frekar löng, sé ekki alveg hvernig hjá því verður komist. Skil vel ef enginn nennir að lesa hana til enda! :D

Ég vaknaði snemma á föstudagsmorguninn og eftir morgunmat í flýti hélt ég af stað niðrá Nörrebrogade að sækja lyklana að nýja kollegíuherberginu mínu. Þar sem ég var nývöknuð og hausinn ekki alveg kominn í gang þá gleymdi ég því á miðri leið að ég væri á leið niðrá Nörrebrogade þar sem umsjónarmaðurinn er með skrifstofu og fannst ég vera að fara beint á kollegíuna :) Ég fór því út úr strætó á vitlausum stað og var búin að labba að götunni sem kollegían er við þegar ég fattaði að ég væri á leið á vitlausan stað :) Ég þurfti því að taka auka strætó til að leiðrétta mistökin... Eftir að sækja lyklana fór ég beint uppí skóla til þess að missa ekki af síðasta fyrirlestri blokkarinnar þar sem fólk ætlaði að klæðast eins og Axel Hunding eins og ég var búin að segja ykkur frá :) Sumir tóku þetta meira alvarlega en aðrir og voru í allri A.H. múnderingunni... það var frekar kostulegt að sjá :) Fyrsta korterið af fyrirlestrinum fór í fliss, bæði hjá nemendum og kennara. Í lok fyrirlestrarins var honum svo færður rauður pólóbolur með e-i áletrun sem ég sá reyndar ekki hver var.

Eftir þetta hélt ég gangandi að nýju kollegíunni minni (komin með nóg af strætóferðum eftir þessar 5 um morguninn). Ég verð að játa að við fyrstu sýn af kollegínunni og herberginu fékk ég algjört áfall. Mér leist ekkert á þetta! :S Ég fór út í sjokki og labbaði bara í e-a átt... endaði á e-u strætóstoppi og tók bara næsta strætó sem kom... komst að því eftir nokkur stopp að ég var á leið í bandvitlausa átt.... fór þá úr strætónum og tók næsta sem lá í hina áttina... uppá Nörreport.. og þaðan annan strætó "heim". 8 strætóar og klukkan ekki orðin 2... ojoj.

Um kvöldið var svo menningarnótt í Kaupmannahöfn. Það voru alveg hundruðir viðburða af öllu tagi í gangi. Ég hins vegar fór ekki á neina af þeim atburðum sem voru yfir daginn og kvöldið (fyrir utan eitt, minnist á það á eftir) þar sem ég var upptekin af öðru. Mamma og pabbi voru nefnilega að koma til Kaupmannahafnar þetta kvöld til þess að hjálpa mér að flytja og kaupa húsgögn (sætt af þeim ekki satt?). Ég hitti þau á Hovedbanegård um kl. 10. Skrapp reyndar aðeins fyrst niður á Rådhuspladsen með Gúnda og Einari þar sem við horfðum á litla krakka fara í bjórkassaklifur. Þar sem þau s.s. fá einn bjórkassa, klifra upp á hann, fá svo annan... og eiga s.s. að reyna að komast eins hátt upp og þau geta og mega s.s. bara standa upp á kössunum, ekki snerta jörðina (held ég). Á staðnum var svo svona krani sem krakkinn var hengdur í svo hann myndi ekki slasa sig. Við horfðum á litla stelpu, ca. 9-10 ára kannski, klifra svona upp... marga metra... (ég er ekki góð í að meta hæðir... en hún var næstum komin upp að toppi kranans allavega og það voru nánast engir kassar eftir þegar kassastaflinn hennar fór að riða til og féll). Hún var þvílíkt köld sko, alveg ligeglad á svipinn, tuggði bara sitt tyggjó og virtist þykja þetta jafn mikið mál og að glápa á sjónvarpið. Það var ekki fyrr en staflinn hennar var farinn að sveigjast ískyggilega til að hún greyp í öryggislínuna.
Við röltum síðan aðeins niður Strikið, mauluðum brenndar möndlur og fórum í dótabúð. Síðan hélt ég uppá lestarstöð að hitta foreldra mína og aðstoða þau með farangurinn þeirra (ekkert smá magn) upp á hótel. Síðan hófst leit að veitingastað sem væri opinn á þessum tíma. Enduðum á Vesuvio á Ráðhústorginu, það var ágætt.
Ég var síðan samferða Gúnda og Einari tilbaka uppí Lyngby aftur... Ég ætlaði nú bara beint að sofa þar sem ég vissi að laugardagurinn yrði langur og erfiður... Það varð hins vegar ekki mikið úr því, ég hafði gleymt að það var TDC kvöld á kollegíuganginum (Tour de Chambres). Það er s.s. bara... mesta fyllerí annarinnar skilst mér. Ég hef allavega aldrei séð ganginn jafn subbulegan og fólkið.. sjaldan.. jafn drukkið :)
Gerði þau mistök að kíkja fram í eldhús... sá mjög fljótlega eftir því.... Fólkið þarna sem flest hefur lítið sem ekkert talað við mig þennnan tvo og hálfa mánuð sem ég hef dvalið þarna.. verður alveg voða ræðið þegar það er svona drukkið. Og sumir.... ansi uppáþrengjandi og óþolandi.... Sem betur fer tókst Gúnda að hjálpa mér að flýja þaðan eftir e-n tíma... það var samt ekkert sérlega auðvelt... (hefði örugglega verið skárra ef það hefðu verið aðrar stelpur þarna sem þeir gætu böggast í en svo var ekki, sú eina sem ég sá þarna lét sig hverfa fljótlega). Reyndi að fara að sofa en gat það ekki fyrir háværri tónlist... sofnaði ekki fyrr en um 3...

Vaknaði snemma á laugardeginum því við þurftum að nýta tímann vel, mikið af húsgögnum og drasli að kaupa :) Það var hins vegar hellings vesen með að fá líkið okkar... eða bílinn s.s. sem við leigðum af bílaleigunni Lej et lig. Það tafði okkur um nokkra tíma :S
Það var forgangsatriði að finna svefnsófa (fyrir mömmu og pabba til að hafa í íbúðinni minni) og rúm (fyrir mig) svo við gætum sofið í nýja herberginu um nóttina. Ég gæti alveg farið út í nákvæmar lýsingar á helginni.. alveg þónokkuð sem er vert að minnast á... en ég ætla að hlífa ykkur við því og gefa ykkur hér samanþjappaða útgáfu:
- Við komumst af því að gatnaskipulag í Lyngby er 30x verra en í Kópavogi.
- Ég keypti mikið af húsgögnum.
- Ég keypti mikið af drasli.
- Við eyddum miklum tíma í að skrúfa saman húsgögn.
- Við borðuðum hádegismat í IKEA þrjá daga í röð.
- Við fengum lítinn svefn og soldið leið á húsgögnum sem þarf að skrúfa saman.
- Mér fór mikið fram sem kortalesara og leiðsögumanni.
- Mér fór smám saman að lítast betur og betur á herbergið mitt.
- Fólk horfir mikið á mann ef maður keyrir um á stórum ógeðslega ljótum sendiferðabíl sem er málaður svartur og á stendur "Lej et lig".
- ILVA er æðisleg húsgagnaverslun með frábæra þjónustu.
- Það er mjög góður pizzastaður hérna í hverfinu.
- Ef maður er mjög óheppinn fylgir alltaf heppni í kjölfarið.
- Mamma og pabbi eru húsgagna-skrúfi-saman-meistarar.

Mamma fór svo heim á mánudagsmorguninn en pabbi ekki fyrr en á þriðjudagskvöldið því á þriðjudaginn þurfti að sækja kassana mína niðrá höfn. Það gekk fínt...

Síðan þau fóru er ég bara búin að vera að ganga frá, taka til, reyna að læra og svoleiðis fjör :)

Í gær fór ég í fyrsta sinn út í búð hér í hverfinu... komst þá að tvennu... Í fyrsta lagi eru mjög svo sætar götur hér í kring (og gatan mín er ferlega krúttleg) og í öðru lagi er stutt í allt :) Hér við hliðiná er kirkja sem gluggarnir mínir snúa útað. Næsta hús við hana er svo síðasta hefðbundna baðhús Kaupmannahafnar :) Við hliðiná því er svo grunnskóli.. hinum megin við götuna er svo leikskóli...
Niðrá horni er þvottahús... og þar við hliðinaá er bakarí. Næsta gata við er svo Nörrebrogade. Sú gata er FULL af Kebab-stöðum og Persneskum veitingastöðum... og svona litlum araba-búðum :) Og þar er plötubúð!!!! Ef maður labbar aðeins eftir þeirri götu kemur maður niður á Nörrebros Rundell en þar eru 3 matvöruverslanir, 7-11 búð, apótek, McDonalds (OJJBARA), Sunset, gæludýrabúð... name it. Pósthús í sjónmáli nokkrum metrum ofar við götuna...

Birgði mig meðal annars upp af kryddi, átti bara salt og pipar fyrir :D Hver kryddstaukur kostaði tæpar 40 isk. Smá munur á verðum hér og heima...

Dagurinn í dag var ágætur... vaknaði kl. hálf 9, dreif mig í sturtu, sturtaði í mig skál af kornflexi og dreif mig niður í þvottahús (tvær ferðir í að flytja þvottin niðrí kjallara, jeij). Svo önnur ferð til að setja draslið í skilvindu og í þurrkarann og enn önnur að sækja þetta.... jeij . Tók líka helling til og svona... voða lítið merkilegt... Seinni part dags fékk ég svo skemmtilega heimsókn, minn fyrsti gestur hér á nýja heimilið mitt (fyrir utan mömmu og pabba sem teljast nú varla með). Gesturinn var s.s. strákur sem er með mér í námi, hann ætlaði rétt að kíkja en það endaði með að hann fór ekki fyrr en um hálf 11 leitið eftir að við höfum fengið okkur að borða á veitingastað hérna útá horni. Voða nice.

En þarna.. ég er alveg að farast úr þreytu... ætla að hætta þessu rugli. Þessi færsla er pottþétt hræðilega skrifuð, full af stafsetningavillum og so on... en í þetta sinn.. verðið þið bara að sætta ykkur við það. Ég er í engu ástandi til að leiðrétta þetta núna! *Geisp-geisp-geispedí geisp*

Eitt sem ég vil bæta við: Takk til mömmu og pabba fyrir að vera svona yndisleg að koma út og vesenast þetta með mér (og fyrir hnífapörin) :D Takk til ömmu og afa fyrir samlokugrillið (og sæta viskustyttið), hinna ömmu og afa fyrir hraðsuðuketilinn, takk til Nonna frænda fyrir pönnurnar, og so on... úff.. ég er of þreytt til að hugsa. núna.. En allavega, takk :) Þetta hjálpar allt við að gera heimilislegra hér... :)

Flutningar í vændum

Á föstudaginn er síðasti skóladagurinn minn í þessari "blokk". Þá tekur við viku vetrarfrí, síðan er upplestrarfrí og lokaprófið er svo ekki fyrr en 4. nóvember. Þetta kemur sér vel fyrir mig því að bæði þarf ég tíma til að ná að flytja inn á nýju kollegíuna mína og einnig þarf ég virkilega að fá tíma til að læra.

Föstudagsmorguninn er líka merkilegur fyrir þær sakir að þá mun ég fara og ná í lyklana að nýja heimilinu mínu. Beint eftir það ætla ég að drífa mig upp í skóla til að sjá síðasta fyrirlestur "blokkarinnar". Ekki það að fyrirlesturinn sem slíkur skipti mig einhverju máli heldur af því að þetta mun verða mjög sérstakur fyrirlestur :) Kennarinn sem heldur þennan fyrirlestur er mjög sérstakur. Fyrirlestrarnir hans eru ekki góðir, hann fer allt of hratt yfir, talar óskýrt og flestum finnst hann frekar flækja efnið en útskýra það. Hann talar líka á frekar skondinn hátt, mér finnst sérstaklega fyndið þegar hann segir "et eller andet" (sem hann segir mjög oft). Ég get því varla setið fyrirlestur hjá honum því ég þarf alltaf að vera að passa mig að flissa ekki upphátt. Það er hins vegar annað við þennan mann sem vekur mesta athygli og er það klæðaburður hans. Hér ætla ég að birta smá brot af fréttapósti af síðu molbiomed nema:

"som en stor hyldest til vores alles yndlings fysisk kemi-forelæser axel hunding har kom-som-axel-hunding-dag-udvalget taget initiativ til en kom-som-axel-hunding-dag. så det er bare med at finde den røde polo, de blå fløjlsbukser, de lyserøde truckersolbriller (eller briller??) og prikken over i'et: de TO nøglekæder (én til hver lomme) frem, så vi alle i fællesskab kan hylde HCØs modeguru".

Á föstudaginn ætlar hópurinn s.s. að heiðra þennan kennara með því að klæðast í rauða pólóboli, bláar flauelsbuxur og bleik sólgleraugu (bleikt gler í þeim). Svo má náttúrulega ekki gleyma lyklakeðjunum... Ég ætla reyndar ekki að taka þátt í þessu en það verður gaman að sjá þetta... :) Ef þið flettið nafni þessa kennara upp á google (myndaleit) kemur upp mynd af honum í einum af rauðu pólóbolunum sem hann er ALLTAF í. Var að pæla í að setja hana hér en hætti við það. En jáh, ég fæ s.s. lyklana að nýja herberginu á föstudaginn. Mamma og pabbi ætla að vera svo sæt að kíkja hingað út yfir helgina og hjálpa mér að kaupa húsgögn og flytja inn. Þau koma á föstudagskvöldinu og fara heim á mánudag/þriðjudag. Ég flutti ekkert af húsgögnunum mínum hingað út (nema auðvitað mína ástkæru geisladiskahillu) þannig að ég þarf að kaupa allt nýtt. Nýtt rúm, skrifborð, náttborð, hillur, borð, stóla, skrifborðstól... :P Þetta verður fjör... Ætli ég geri ekki eins og allir Íslendingar sem flytja erlendis virðast gera, fari og versli í IKEA! Hehe. Kassarnir mínir koma með skipi á mánudag/þriðjudag, þess vegna fer pabbi ekki aftur til Íslands fyrr en á þriðjudagskvöldið.

Þar sem að ég átti flugmiða til Íslands 15.október en kemst ekki (þar sem ég er að flytja) þá flutti ég miðann til 5.nóvember. Þannig þið getið átt von á mér til landsins þá (í nokkra daga), vona að ég nái að heilsa upp á flest ykkar í þeirri ferð :) (Hver ætlar að bjóða mér í SingStar partý? ;P ) Það mun samt hafa algjöran forgang að hitta fjölskylduna mína, Dominique og svo ömmur mínar og afa :)

Í gærkvöldið var ég boðin í partý hjá stelpu sem er með mér í námi. Var mjög forvitin að fara þangað þar sem hún býr á glænýrri kollegíu (eða nýuppgerðri?) sem á víst að vera mjög flott (sjá hér). Ég fór hins vegar ekki þar sem að eftir kvöldmat í gær fékk ég vondan hausverk og varð illt í hálsinum. Hélt að ég væri að vera veik þannig ég ákvað að vera heima. Hausverkurinn virðist vera að koma aftur núna... :S

Jæja, segja þetta gott í bili?? :) Er pottþétt eitthvað sem ég ætlaði að skrifa um sem ég er að gleyma... eeeen whatever.

P.S. Ég bætti við linkum hér til hliðar...

Húsnæðismál leyst?

Komið þið sælir strumparnir mínir :)

Jæja, þá loksins get ég skrifað smá fréttir af húsnæðismálum. Hingað til hafa nánast eingöngu verið vondar fréttir af þeim og hef ég einfaldlega verið of pirruð á þessu drasli til að skrifa um það. Til að gera langa sögu stutta hefur þetta verið vesen... s.s. bréfaskrif, símtöl og þó nokkrar heimsóknir á kollegíu-úthlutunar-skrifstofur til að reyna að fá e-n stað til að búa á. Gefin loforð, svikin loforð... gífurlegt fjör. Allavega, í þetta sinn stóðu þau við það sem lofað var og í gær fékk ég tilboð um kollegíuherbergi. *strump*

Það var búið að segja mér að líklega myndi ég bara fá tilboð um að vera á ákveðinni kollegíu sem ég vil alls ekki búa á og því var það óvænt ánægja að fá tilboð á kollegíu sem ég vil gjarnan búa á. Hún er að vísu soldið dýr en það er allt í lagi. Hún er frekar stutt frá skólanum mínum og hefur ýmsa aðra kosti. Ég flýtti mér að segja já við tilboðinu um leið og það kom. Auðvitað var hængur þarna á... tveimur manneskjum var boðið þetta sama herbergi (og hin var á undan mér á listanum) þannig ef sú manneskja hefði sagt já við tilboðinu líka þá hefði hún fengið það en ekki ég... En en en! Í morgun fékk ég e-mail um að ég hefði fengið herbergið... og ég á von á að fá leigusamninginn í hendurnar á næstu dögum :) Skilst að ég geti svo flutt inn í herbergið um miðjan mánuðinn :) Það verður yndislegt að komast í eigin húsnæði, hafa pláss, geta farið að kaupa húsgögn og fá dótið mitt sent frá Íslandi :) *strump*

Á laugardagskvöldið síðasta fórum við í bíó að sjá "The 40 year old virgin". Hún var mjög fyndin og ágætis skemmtun. Hefði ég fengið að ráða hefðum við farið að sjá e-a aðra mynd samt. Ég er ekki vön að fara að sjá gamanmyndir í bíó, sé þær frekar á dvd ef ég sé þær yfir höfuð. Finnst meira varið í myndir sem skilja e-ð eftir sig.

Allavega, þar sem að ég stend líklega í flutningum um miðjan október og þar sem að ég fer í lokapróf fyrir þessa "blokk" 4. nóvember þá kem ég líklega ekki til Íslands 15. október eins og ég var að vonast til. Þá er nefnilega viku vetrarfrí sem ég ætlaði að nota til þess að heimsækja klakaland og knúsa allt fólkið þar sem ég sakna svo mikið. En því miður verður hitt að ganga fyrir, kannski kíki ég í staðinn til Íslands eftir lokaprófið í nóv., það er aldrei að vita :)

Held ég láti þetta duga í bili...
verið þið sælir strumparnir mínir :)

Ýýýýýýýýl

Finnst ykkur ekki óþolandi þetta ýl sem maður heyrir stanslaust eftir að hafa verið á háværum tónleikum? Það eru meira en 14 klst síðan ég kom af tónleikunum en ég heyri ennþá þetta bannsetta ýl. Kannski það væri sniðugt að fara að venja sig á að nota eyrnatappa á tónleikum?

Allavega, eins og ég nefndi í síðasta pósti þá var ég s.s. á tónleikum í gærkvöldi. Þeir voru haldnir á stað sem nefnist Loppen og er staðsettur í útjaðri Kristjaníu. Þetta er rosalega kósí staður sem rúmar 450 manns, skemmtilegur tónleikastaður finnst mér. Helsti gallinn er að það verður hrikalega heitt þarna inni og bjórinn þarna smakkast uuundarlega (virðist ekki skipta máli hvort maður kaupir kranabjór eða í gleri). Eftir að hafa smakkað hann ákvað ég að drekka bara vatn frekar.

Þeir sem voru að spila voru Stephen Malkmus and the Jicks (fyrir þá sem ekki vita þá var Stephen Malkmus áður söngvarinn, lagasmiðurinn og gítarleikarinn í Pavement). Eins og við var að búast voru tónleikarnir mjög skemmtilegir en ég verð þó að játa að ég þekkti ekki nema svona þrjú lög, þ.e.a.s. bara þau sem eru af fyrstu plötunni enda hef ég ekki heyrt hinar tvær. Upphitunarbandið, The Cribs, kom svo mjööög skemmtilega á óvart. Það band samanstendur af þremur breskum bræðrum og hefur verið starfandi í tvö ár. Mæli með að þið tékkið á þeim, vona allavega að þeir séu jafn góðir í stúdíói og þeir eru live.

Fyrr um daginn var ég niðrí miðbæ Lynby. Fór þangað til þess að fara á pósthúsið að sækja peysu sem ég var að panta af TshirtHell.com . Ég veit að flestir bolirnir sem eru seldir á þessari síðu eru frekar brútal en ég var ekki að kaupa mér neinn af þeim, vil ekki vera að ganga í e-u sem ég gæti verið lamin fyrir að ganga í :P
Þar sem ég nennti ekki að fara heim strax ákvað ég að kíkja aðeins í Lyngby Storcenter. Síðan ég kom hingað hef ég ekkert farið þangað nema til að kaupa í matinn, kaupa e-ð dót fyrir rus-túrinn (tuskur, vasaljós, handklæði og svoleiðis drasl) og kaupa lestarkort. Núna hins vegar endaði ég á að kaupa mér tvær peysur, aðra stóðst ég ekki því hún var svo mjúúúk og hlý.... og hina því hún var svo APPELSÍNUGUL! :D Ég veit ekki alveg hvað málið er með mig og appelsínugular peysur sko :/ Núna á ég fjórar... eða eiginlega fimm (ein er 50/50 grá og appelsínugul). Ég er bara svo hrikalega skotin í þessum lit... :P Mamma er held ég ofboðslega fegin samt að það sé e-ð komið í staðinn fyrir dökkbláan, í mörg ár var nánast allt í fataskápnum mínum dökkblátt... :P

Ég er búin að vera rosalega dugleg síðustu 4 mánuðina (allavega) að vera ekki að panta neitt af geisladiskum eða dvd á netinu. Til þess þarf mikla sjálfstjórn af minni hálfu enda er ég hálfgerður amazon fíkill :P Þó ég hafi staðist freistinguna að panta e-ð þá hefur óskalistinn minn á síðunni lengst óstjórnlega á þessum tíma.. Held þar séu nálægt 200 hlutir núna... (bækur, cd, dvd, tölvuleikir og spil) og svona 50 til viðbótar í innkaupakörfunni (set stundum óvart þangað...)... En ég held áfram að vera þæg... allavega svona á meðan ég hef engað stað til þess að setja það sem ég myndi panta :P Svo þarf ég líka að vera dugleg að spara svona fyrst ég flutt út og farin að þurfa að borga allt sjálf...
En ég hef reyndar leyft mér eitt í staðinn... þ.e. að panta mér örfáar flíkur... Keypti þarna peysuna af t-shirthell og svo er ég að bíða eftir bol sem ég pantaði af questionablecontent.net (QC er uppáhalds myndasagan mín). Svo er ég að pæla í að panta einn bol í viðbót en á honum stendur að framan: "I solemnly swear that I am up to no good" og að aftan "Mischief Managed". Þetta ætti að hljóma kunnuglegta fyrir mörg ykkar... (jáh, ég er soldið nörd, ég veit). Svo stalst ég líka til að kaupa mér bol á tónleikunum í gær.. :P

Í dag er þjóðhátíðardagur kínverja. Í næsta herbergi við okkur býr kínverskt par og verða þau með partý hér í eldhúsinu fyrir alla kínversku vini sína af þessu tilefni. Ég er því farin að efast um að við getum eldað okkur mat í kvöld... Eldhúsið var þegar undirlagt fyrir undirbúning núna uppúr hádegi og þegar vinir þeirra koma... þá verður ekki hægt að komast þangað inn... Sem er frekar fúlt því að við náðum ekki að elda í gær heldur. Það var reyndar af því að sumir ákváðu að leggja sig og það var frekar erfitt að vekja suma þannig að við vorum frekar sein og höfðum ekki tíma til að elda... enduðum á því að borða e-n ógeðismat á McDonalds á hlaupum á leið á tónleikana :S ojbara!

Jæja, ég er að pæla í að reyna að fara að læra e-ð. Btw þá er veðrið hérna í dag ömurlegt, rok og rigning :S
...og jáh, verið dugleg að kommenta þarna :P

Ekkifréttir

Hæj og hó.

Nei, ég hef ekki gleymt að blogga, hef einfaldlega alltaf farið að gera e-ð annað en að blogga þegar ég hef haft tímann í að gera það... Í 90% tilvika er þetta annað “að lesa fanfiction”. Jáh, ég er forfallinn aðdáandi Draco trílógíunnar eftir Cassöndru Claire. Þetta eru s.s. þrjár sögur (varúð: langar sögur) sem byggðar á HP bókunum og aðeins birtar á netinu. Þær gerast á 6. og 7. ári Harry’s í Hogwarts en athugið að þær eru aðeins byggðar á fyrstu fjórum bókunum (enda var byrjað að skrifa þær árið 2001) og það sem gerist í 5. og 6. bókinni er ekki “haft með” ef svo má segja. (S.s. Sirus og ákveðinnaðillisemégætlaekkiaðnefnaefeinhverrskildieigaeftiraðlesa6.bókina eru enn á lífi og fl.)

Það er til alveg ótrúlegur fjöldi af svona fanfiction sögum á netinu. Ég hef hins vegar bara lesið smá af HP fanfiction sögum (það er pottþétt til fanfics af öðrum bókum). Byrjaði að lesa svona sögur árið 2001 þegar ég vann á Bókasafni Kópavogs en nokkrir sem voru að vinna með mér voru að lesa þetta daginn út og daginn inn. Ég hætti hins vegar alveg að lesa þetta eftir sumarið, nema ég hélt áfram að lesa í Draco-sögunum þegar nýr kafli bættist við (það er sko ennþá verið að skrifa síðustu söguna) en missti þráðinn e-r tímann þegar margir mánuðir liðu á milli kafla.

Síðan bara núna í sumar ákvað ég að lesa þessar 3 sögur aftur og er á þeirri síðustu núna. Mæli með þessu ef ykkur vantar e-ð að lesa.. mér finnst þessar sögur persónlega vera alveg jafn góðar og bækurnar en það getur vel verið að e-r HP aðdáendur muni slátra mér fyrir að segja það :)

Annars er nú ekki mikið að frétta, fór reyndar í bíó á föstudaginn að sjá Charlie and the Chocolate Factory. Hún er frábær, mæli virkilega með henni :) Tim Burton tekst eins og venjulega að ljá myndinni virkilega súran blæ en eins og með allar hinar myndirnar hans þá á það bara virkilega vel við. Sem Roald Dahl aðdáanda fannst mér rosalega gaman að sjá hana :) Ég var tístandi eins og ég veit ekki hvað megnið af myndinni.... Fórum reyndar líka út að borða á undan bíóinu. Ég pantaði dýrasta réttin á staðnum, steik! Sem var svo ógeðslega vond!!! :S Var freeekar pirruð, en svona er þetta...

Á laugardaginn var svo Introfest, þeas. fyrsti og annar árgangur af molbio nemum að halda saman stórt party/veislu (það eru bara tveir árgangar eins og ég var búin að segja ykkur). “Matur, drykkja, live-tónlist og dans” lýsir þessu ágætlega held ég bara. Live tónlistin var flutt af þremur strákum úr eldri árgangnum, var bara virkilega vel heppnað hjá þeim. Tóku skemmtilegt sett, meðal annars AC/DC, CCR, Tenacious D, og e-ð fleira.. man ekki.. Ég fór nú svo reyndar snemma heim (rétt fyrir miðnætti, var þá samt búin að vera þarna í næstum 6 klst þar sem þetta byrjaði snemma) þar sem mér var alveg hræðilega illt í maganum :/

Btw þá var fyrsti þátturinn í annarri seríu af Lost var sýndur í Bandaríkjunum í síðustu viku. Íhh, spennandi sko! Þið sem fylgdust með fyrstu seríu.. ekki missa af annarri, lítur vel út :) Get varla beðið eftir að sjá næsta þátt...

Eitt sem mig langaði að minnast á er, að byggingin sem ég er að læra í þessa “önnina” (fram í nóvember), H. C. Ørsted Instituttet, er alveg örugglega ljótasta bygging í allri Kaupmannahöfn! Þetta eru svona þrjár risastórar foooorljótar blokkir, tengar saman með einni 2ja hæða byggingu sem liggur við hliðina á þeim. Þetta er s.s. eiginlega “efnafræðibyggingin” en ég held þarna sé meðal annars líka kennd stærðfræði.

Lækna og tannlæknabyggingin, Panum, er svo bygging sem ég verð að læra í seinna í vetur. Sú bygging lítur út eins og gömul, risastór, ljót verksmiðja; 70% rauðir múrsteinar, 30% grábrún steypa... en hún er eiginlega bara falleg ef maður ber hana saman við efnafræðibygginguna.

H. C. Ørsted byggingin er reyndar mismunandi slæm eftir því hvaðan er horft á hana. Þegar ég kem í skólann á morgnanna sé ég voða lítið af ljótleikanum. Ef maður tekur hins vegar strætó neðan úr bæ og þarna framhjá þá sér maður ljótleikann í allri sinni dýrð. Ég var búin að fara þarna nokkrum sinnum framhjá í strætó og velta fyrir mér ótrúlegum ljótleika byggingarinnar áður en ég fattaði að þetta væri byggingin sem ég er í tímum í 5 daga vikunar.

En jáh, ég ætla ekki að skrifa meira í bili, er með alveg dúndrandi hausverk. Vona að ég nái að setja færsluna inn, netið er með bölvuð leiðindi. Það er búið að vera niðri síðasta sólarhringinn hér á kollegíunni og síðan það kom inn núna seinnipartinn hefur það alltaf verið að detta út aftur. Helvítis rusl.

Btw húsnæðismál eru eins og venjulega í algjöru hakki, er bara of pirruð yfir því til að nenna um skrifa um það þannig ekki búast við fréttum af því hér... nema það séu loksins góðar fréttir... þá skal ég skrifa um það.

Btw2 þá eru plön í þessari viku að: fara og nöldra í kollegíufólki, fara hugsanlega á óperu (eða í bíó) með norskri stelpu sem ég kynntist hér og e-u fleira fólki og svo á föstudaginn eigum við Gúndi miða á tónleika með Stephen Malkmus and the Jicks (sem eru haldnir á e-m stað niðrí Kristjaníu)! :D

Hobbitakveðjur,
Linda Muddyfoot from Longbottom

Ég var klukkuð

Hæj hæj

Ég ætlaði nú ekki að blogga aftur fyrr en eftir nokkra daga þar sem það er frekar mikið að gera hjá mér. Hins vegar var hún Hulda svo ill að klukka mig þannig nú kemst ég ekki hjá því að blogga.

Ef ég skil þetta klukk dæmi rétt þá á ég núna að skrifa fimm hluti um sjálfa mig og svo klukka fimm aðrar manneskjur sem þá eiga að gera slíkt hið sama. Ég hef ekki ennþá ákveðið hvað ég ætla að skrifa... en ætla bara að byrja að skrifa.. og go with the flow... (eins og sjá má á lengd bloggfærslanna sem ég hef skrifað þá virkar sú aðferð ágætlega fyrir mig :P )

1. Nafnið mitt: Ég heiti Salóme Mist. Svo skemmtilega vill til að ég er eina manneskjan sem heitir þetta (þ.e.a.s. þessum tveim nöfnum saman, auðvitað eru margar aðrar sem heita Salóme og margar sem heita Mist en þessi samsetning er einstök :P). Ég var ekki sérlega hrifin af Salóme nafninu þegar ég var yngri, kannski af því að mér var oft strítt á því (Salómeeeeee!*jarm*) en ég vandist því. Nú orðið finnst mér frekar gaman að heita þessu nafni, bæði af því að ég fæ oft að heyra hvað nafnið mitt sé fallegt (alltaf jafn gaman að heyra fólk segja það) og líka því að mér er aldrei ruglað saman við neina aðra manneskju.
Langamma mín í föðurætt (mamma afa) hét Rannveig Salóme Sveinbjörnsdóttir og er ég skírð eftir henni og svo líka eftir systur langaafa míns (sem var s.s. systir pabba ömmu minnar í föðurætt) sem hét Salóme Kristjánsdóttir.
Salóme er nafn úr biblíunni, meira segja tvær með því nafni þar. Sú sem dansaði höfuðið af Jóhannesi skírara og svo önnur sem var fylgismaður(kona) Jesús. Nafnið er dregið af hebreska orðinu "Shalom" sem þýðir friður. Þetta nafn var lítið notað í margar aldir vegna þessa litla atviks með greyið Jóhannes en það fór að öðlast smá vinsældir aftur eftir að Oscar Wilde skrifaði leikrit með þessu nafni (seinna var líka gerð ópera og bíómynd...).
Mist er svo nafn úr norrænu goðafræðinni, Mist og Hrist bera Óðni veigar (held ég). Svo er þetta náttla orð á ensku, ekkert að því en ég mun vísast aldrei nota millinafnið mitt í Þýskalandi af sökum þess hvað það þýðir þar.

2. Safnaraáráttan: Ég hef alltaf verið mikið fyrir að safna hlutum. Þegar ég var yngri safnaði ég meðal annars frímerkjum í mörg ár. Einnig safnaði ég t.d. dúkkulísum og fullt af dóti sem mér er ekki að takast að rifja upp núna. Ég hef hins vegar fyrir löngu síðan snúið mér frá frímerkjunum og dúkkulísunum og annað komið í staðin. Það sem ég safna helst núna eru:
- Jókerar: Jáh, jókerar úr spilum. Ég byrjaði að safna jókerum fyrir þó nokkrum árum eftir að ég las Kapalgátuna eftir Jostein Gaarder í fyrsta skipti (það er enn í dag uppáhalds bókin mín). E-r tímann var mér sagt að langafi minn (sem lést þegar ég var 8 ára) hafi líka safnað jókerum en ég hef ekki getað fengið það staðfest. (Ef þið eigið jókera sem þið notið ekki þá megið þið endilega gefa mér þá :)
- Gamlar (80's) teiknimyndir á DVD: Jáh, þetta er fíkn. Datt fyrst í þetta fyrir svona mestalagi ári síðan. Nú á ég meðal annars: 3 seríur af Kærleiksbjörnunum, allar Tinna-myndirnar, alla þættina af Skófólkinu, Rainbow Brite þætti, The Super Mario Bros super show! þætti, Dennis the Menace þætti, Inspector Gadget þætti, Peter Pan þætti, Count Duckula þætti, (Teddy Ruxpin á VHS), 3 seríur af Bananaman, (Raggydolls á VHS), Stopit and Tidyup...
-Geisladiskar: Ólæknandi árátta, kaupi meira en ég næ að hlusta á... er að reyna að taka því rólega samt.
-Ýmislegt: Safna öllum gömlum tónleikamiðum, finnst voða gaman að kaupa bíómyndir á DVD og e-ð..

3. Málæði: Mér finnst voða gaman að tala en fæstir sem ekki þekkja mig vel vita það afþví að ég er frekar mikið feimin í kringum fólk sem ég þekki lítið. Aftur á móti finnst mér voða þægilegt stundum að bara þegja og ég skil ekki fólk sem finnst þagnir óþægilegar.

4. Partý: Ég er kannski skrítin en mér finnst partý oftast ekkert sérlega skemmtileg. Mér finnst heldur ekki spennandi að fara að "djamma" eða dansa. Þar er of mikið af fólki (mér líður ekki vel í kringum mikið af fólki) plús megnið af því er alltaf drukkið, vitlaust, sveitt og ógeðslegt. Ég vil miklu frekar vera í góðum og fámennum hópi í heimahúsi hjá e-m, sitja og spjalla eða spila (ég eeeelska að spila) eða bara hvað sem er. Uppgötvaði líka nýlega að SingStar partý eru snilld ;)

5. Það sem ég hata mest af öllu: Jáh, kæru lesendur það sem ég hata mest af öllu.. er.. þegar fólk heldur að ég sé með anorexíu. Því miður er það nú svo að örugglega meira en 90% af því fólki sem hefur hitt mig síðustu 10 árin heldur (allavega áður en það kynnist mér) að ég sé haldin þessum hræðilega geðsjúkdómi. Ég efast um að ég geti útskýrt almennilega fyrir ykkur hversu mikið bögg þetta er en ég ætla aðeins að reyna.
Ég hef haft það vandamál síðan ég var svona 8-9 ára að vera allt allt of grönn. Þó svo að svo virðist vera að flestir þurfi að berjast við aukakílóin þá hef ég alltaf þurft að berjast fyrir þeim. Ég get ekki talið hversu oft ég hef reynt að fara í "fitunarkúra" eða hversu margra lækna og næringarfræðinga ég hef leitað til gegnum árin en ég get sagt ykkur að ekkert af því hefur gert mikið gagn. Engin getur sagt mér afhverju þetta er svona þannig ég get ekki útskýrt það fyrir ykkur en ég vil gjarnan bara koma því á hreint að ég er ekki með átröskun.
Átraskanir eru geðsjúkdómur og ég er voða fegin að vera ekki haldin svoleiðis þar sem það er lífshættulegt og erfitt að berjast við. Ég hef hins vegar fengið að kynnast því gegnum árin hversu mikið baktal og fordóma fólk sem er haldið þessum sjúkdómi þarf að þola.
Í öllum skólum sem ég hef farið í hef ég verið baktöluð vegna þess að fólk hefur haldið að ég sé með anorexíu. Í MK frétti ég af því gegnum vini mína, í MH frétti ég af mjög svo skrítnum sögum sem gengu um mig (þær voru nú svo fáránlegar að það var bara hlægilegt en þetta var böggandi engu að síður) og ég er nokkuð viss um að það sama hefur verið upp á teningnum í grunnskólanum sem ég var í þó ég hafi ekki (svo ég muni) fengið staðfestingu á því.
Mikið af fólki starir á mig þegar ég er innan um fólk, ég sé fólk hvísla og benda og veit alveg hvað það er að segja svosem. Þegar ég fer í veislur þar sem eru hlaðborð er oft fólk sem segir við mig "fáðu þér nú meira, þú ert nú svo voðalega horuð". Verra er samt fólkið sem hefur alltaf þurft að berjast við aukakílóin og er geðveikt biturt út í mann þó maður hafi ekkert gert því (einu sinni langaði mig virkilega að kýla eina af þessum manneskjum fyrir það sem hún sagði en ég hélt aftur af mér þar sem þetta var kona sem mamma þekkir). Ókunnugur maður bauðst einu sinni til þess að gefa mér nokkur af sínum aukakílóum, það var nú reyndar bara sætt, hann var bara að vera vinalegur. Ég hef meira að segja lent í böggi frá litlum krökkum út á götu útaf þessu. Ég hef ekki farið í sund síðan í 7.bekk (eina ástæðan fyrir að ég fór fram að því var af því að ég neyddist til að mæta í skólasund) því að það er svo mikið starað á mig. Mér leið alltaf virkilega illa í skólasundi vegna þessa, kveið því og hataði það. Ég hef fyrir löngu losað mig við allar stuttbuxur sem ég átti, ég á engin stutt pils og ég fer helst ekki út í stuttermabol því ég vil ekki vekja meiri athygli á því hversu mjó ég er.
Foreldrar mínir hafa samt örugglega lent í alveg jafn mikið af böggi og ég útaf þessu. Fólk sem þau þekkja og ekki þekkja er alltaf að benda þeim á að ég sé örugglega með anorexíu, hafa áhyggjur af mér og hálf skamma þau fyrir að gera ekkert í þessu. Held þau séu lang-þreytt á því að útskýra fyrir fólki að það sé ekki málið.
Um daginn lenti ég svo í því að drukkinn strákur sem sjálfur er með anorexíu (sést sko ekki á honum núna) kom til mín og sagði mér sína sögu. Hann var svo að reyna að sína mér fram á að ég væri með anorexíu og var ekki að trúa því þegar ég var að reyna að útskýra fyrir honum að svo væri ekki. Hann varð bara hálf sár greyið enda ætlaði hann bara að hjálpa held ég. Ég varð nú samt svo pirruð á endanum að ég barði hann í hausinn.. hann lét mig í friði eftir það.... :P
Sem betur fer hef ég ekki þurft að útskýra þetta fyrir öllum sem ég þekki, fólk sem umgengst mig dags daglega sér alveg að það er ekki séns að ég gæti haft anorexíu (sko, það er víst best að hafa svo mikið af smjörva á harðfisknum að það er helmingi meira af smjöri en fiski, ég er ekki skrítin!)
Ég held þetta sé komið nóg í bili... bara.. plís... hættið að ákveða að allar manneskju sem þið sjáið og eru of mjóar séu að reyna að vera svoleiðis. Þetta er vandamál fyrir suma, ég veit um fleiri en mig sem eru svona. Hvort sem þetta er hröðum efnaskiptum að kenna eða hvað... það skiptir ekki máli. Þetta er ekki ykkar mál heldur, fólk er bara eins og það er.. hættið að skipta ykkur af því eða baktala fólk sem er öðruvísi. Hættið að ákveða fyrirfram að e-r sé haldinn átröskun bara útaf því að manneskjan er of grönn. Meina.. þið ákveðið ekki að manneskja sé offitusjúklingur þótt hún sé með nokkur aukakíló, afhverju er það öðruvísi þegar dæmið snýst við?
Btw þá vil ég benda á að það er áhugavert hvernig fólki finnst ekkert að því að segja við e-n "Djöfull ertu mjó" á meðan það þykir ógeðslegur dónaskapur að segja "Djöfull ertu feit". Hvort tveggja er alveg jafn böggandi og særandi, bara að benda á það. Voða margir sem virðast ekki fatta það.


Jæja, ég ætla svo að klukka Benediktu, Orra, Önnu Guðrúnu, Hauk og Kristrúnu.

Bless í bili

Fleiri myndir úr rustur

Fleiri myndir komnar á netið úr rusturnum :) Ef ykkur langar að sjá þá setti ég eitthvað af þeim inn á myndasíðuna í möppu sem er merkt "Rustur 2".

Ojbara haust!

Þá er haustið komið, það fer ekki á milli mála. Síðustu vikur er búið að vera geðveikt veður hér, sól og blíða alla daga. Maður kveið því að fara í strætó því að maður vissi að maður myndi vera við það að leka niður úr hita þar inni.. og so on... En núna í vikunni... er búin að vera gola.... alveg 16-19 stiga hiti.. en samt er manni kalt :S (sem er frekar skrítið, heima á Íslandi finnst manni vera geðveikt veður þegar það eru 16°C).
Skrítið að vera búin að venjast því að geta helst ekki farið út í síðerma peysu (nema hún sé mjög þunn) því þá verði manni alltof heitt... en svo núna... allt annað upp á teningnum. Í dag fór ég út í tveimur peysum en var samt of kalt.. og þarna er bara ein vika á milli... og örfáar gráður.... *sniff*

Það er samt allavega ein manneskja sem hefur ekki tekið eftir því að það er komið haust... manneskjan sem keyrir ísbílinn! Ég heyrði í honum í fyrradag! Jáh, hér uppá DTU háskólasvæðinu fyrir utan Lyngby... þar sem er nánast bara háskólabyggingar, kollegíur... og svo e-r smá íbúabyggð... keyrir alltaf um öðru hvoru ísbíll. Ég vissi ekki hvað ég átti að halda fyrst þegar ég heyrði í honum... ísbíll? hér? Fatta heldur ekki hvernig svona ísbíladót á að virka... meina... í svona íbúahverfi... fólk kannski heyrir e-ð ding ding ding frá götunni... En hvað á það að gera? Hlaupa út á götu? Ísbíllinn er löngu búinn að keyra framhjá áður en nokkur kemst út fyrir hússins dyr. Við erum t.d. hér upp á 3. hæð á kollegíu... það væri ekki séns að ná honum.
Þannig ég er komin með þá kenningu að ísbíllinn sé bara að keyra um til að svekkja mann. Maður situr inni í steikjandi hita, heyrir þetta seiðandi "dingdingding" hljóð og hugsar með sér: "Mmmm hvað mig langar í ís!". En eftir nokkrar sekúndur áttar maður sig á því að ísbíllinn er kominn framhjá og allar vonir um ís horfnar. Eftir situr maður vonsvikinn og íslaus :/

Ég fór á mánudaginn og keypti mér mánaðarkort í strætó/lestar. Þar með lýkur veseninu með klippikort í bili :) Sem betur fer, það var óþolandi að þurfa að fara og kaupa nýtt klippikort á viku fresti (sárt að þurfa að sjá eftir 2560kr á viku bara til að komast í og úr skólanum). Þetta kort er samt dýrt... þar sem ég þarf að fara yfir alveg 5 zone! þá kostar það mig.. 665 dkk (6.786 ísl kr), og það er bara kort fyrir einn mánuð!
Þegar ég fæ mitt eigið kollegíuherbergi, þá verður þar e-r staðar niðrí Köben og þá þarf ég aðeins að fara yfir 1-2 zone til að komast í skólann. Þá þarf ég ekki að borga svona rosalega mikið í samgöngur.. jeij.

Til að kaupa strætó/lestar-mánaðarkortið þurfti ég að fara niðrá lestarstöðina í Lyngby. Í leiðinni fór ég og verslaði í matinn. Keypti kjúklingabringur (25 dkk), nautahakk (30 dkk, óvenju dýrt) , snakk (6 dkk), mjólk (6 dkk), 5 litlar fernur af appelsínusafa (9,5 dkk), 2 pakka af besta súkkulaðibitakex í heimi, 37% súkkulaði! :D (2x10 dkk), 5 kitkat (4 dkk stk), bakka af nektarínum (10 dkk), lifrarkæfu (10 dkk), smjör (11 dkk), stóran poka af Matador Mix (18,4 dkk), skinku (4 dkk), 8 stk af Twix top (15 dkk) og samlokubrauð (9 dkk) .... Allt þetta kostaði samtals ekki nema 193 dkk (2000 kr ísl). Hversu nice er það? Munar frekar miklu að versla í matinn hér og á Íslandi. Finnst mér allavega...
En jáh.. hlammaði þessu öllu í bakpokann minn og einn innkaupapoka... og hélt út í strætóskýli. Var ýkt heppin, strætó að koma eftir 5 mín! En svo kemur strætó ekkert :S Fyrsta sinn ever sem ég lendi í því að strætó er seinn hér í DK! :o Venjulega er alveg ótrúlegt hvað þeir eru alltaf tímanlega, hef alveg treyst á það hingað til en þarna fór e-ð út af laginu. En jáh.. þetta var fyrsti dagurinn sem ég myndi formlega telja sem haust-dag, og mér varð frekar mikið kalt af því að standa þarna og bíða... heldur ekkert gaman að standa og bíða þegar maður þarf að halda á fullt af matvörum. En strætó kom loksins (eftir... 20-30 mín seinkun) og mér tókst að fara út úr honum á réttum stað þó ég hafi aldrei tekið þennan strætó ein áður! :D víj!

Annars ætlaði ég líka að minnast á að Íslendingar eru held ég IKEA óðir. Strætóinn sem ég tek alltaf til að komast í og úr skólanum fer fram hjá IKEA (2 stopp héðan, samt langt í burtu þar sem þetta er hraðbrautarstrætó). Í gær þegar ég var á leið heim... tók ég eftir því.. að það voru tveir frekar háværir Íslendingar sitjandi rétt fyrir aftan mig í strætó. Stuttu síðar tók ég eftir því að par sem sat aðeins framar í strætónum voru greinilega líka Íslendingar... og getiði hvar þetta fólk fór allt saman út? Núh, hjá IKEA! :P
Í síðustu viku þegar ég var á leið heim úr skólanum kom líka gaur inn í strætó á IKEA-stoppustöðinni... haldandi á IKEA poka og e-u drasli. Það fyrsta sem ég hugsaði þegar ég sá hann var: "Þetta er Íslendingur!". Komst svo að því að það var rétt því að við fórum út úr strætó á sama stað.. og um leið og ég steig út úr strætónum spurði hann mig hvort ég væri Íslendingur (ég var að fara að opna munninn til þess að spurja hann að því sama en hann varð fyrri til). Komst að því að hann hafði líka verið í MH... Þó maður þekki ekki allt fólkið sem var með manni í MH og hafi heldur aldrei verið með því í tímum þá þekkir maður flest andlitin bara af göngunum...

Btw.. ef fólki leiðist... þá mæli ég með að þið tékkið á "The 4400". Áhugaverðir sjónvarpsþættir þó fyrsta serían (5 þættir) sé soldið... cheesy og illa leikin :P 2. serían er mun betri og ferlega spennandi :)

Annars var ég að panta flug áðan til Suður-Frakklands ( s.s. til minna gömlu heimkynna). Þar ætla ég að hitta fjölskyldu mína og vera yfir jólin. Fáum lánað hús hjá vinafólki okkar til að vera í (sundlaug út í garði og svona, sem því miður nýtist ekki þegar maður er þarna í desember). Málið er að mamma (sem er málari) fær gestavinnustofu þarna yfir bæði desember og janúar. Því ætlar restin af fjölskyldunni bara að elta hana þangað svo við getum eytt jólunum saman. Hlakka til að koma þangað aftur, ég lít ennþá á Frakkland sem annað heimaland mitt og finnst alltaf jafn gaman að koma þangað og fá að æfa frönskuna svolítið :) (hlakka líka til að fara að versla í matinn þar! svo margt þaðan sem ég sakna! :P) Og gaman að hitta fólkið sem maður þekkir þarna auðvitað líka... og og sjá alla staðina aftur... oh... *hlakk*

Jæja, shit.. ég ætti að vera farin að sofa... skóli snemma á morgunn... :S

Ble ble í bili! Vona að þessi færsla sé ekki of sundurlaus... var eiginlega of þreytt til að blogga núna í kvöld en ákvað að gera það samt...