Lélegt sjónvarpsefni

Síðan ég flutti hingað á Allersgade fyrir næstum 2 árum síðan hef ég einungis haft 3 sjónvarpsstöðvar. Það er aldrei neitt áhugavert á þessum rásum ef frá er talið fréttir og breskir lögguþættir. Ég horfi nú samt á ágætlega mikið af sjónvarpsþáttum en yfirleitt kaupi ég þá seríurnar á dvd. Ég á það til að kaupa seríur án þess að hafa séð einn einasta þátt af þeim. Stundum vegna þess að ég hef lesið góða dóma um þær á netinu en oftar vegna þess að einhver sem ég þekki hefur mælt með þeim.

Dæmi um þetta eru:
Prison Break - sem mér finnst frábær.
Tru Calling - mjög skemmtileg.
The Wire - eh, veit ekki alveg.

Eftir að ég hafði horft á Tru Calling þættina fyrir nokkrum mánuðum síðan mælti vinkona mín með Medium. Ég keypti fyrstu seríuna af því og féll gjörsamlega fyrir henni. Keypti svo seríu 2 um leið og ég var búin með þá fyrstu! Þá mælti sama vinkona með Ghost Whisperer. Þeir þættir eru frekar mikið drasl. Alveg áhorfanlegir... en eftir að hafa horft á nokkra þá langar mann ekkert að sjá fleiri. Þeir eru allir eins, rosalega amerískir og væmnir og Jennifer Love Hewitt er langt því frá að vera nógu góð leikona til að geta haldið uppi seríu. Ghost whisperer mun því sitja upp í hillu við hliðina á X-files seríu 1 sem ég nenni heldur ekki að horfa á. Alveg alls ekki. Keypti hana reyndar af mjög ólíkum ástæðum...

Anyhow, tilgangur þessarar bloggfærslu átti að vera að skrifa um allt aðrar seríur. Ég hef heyrt nokkra tala um hversu æðislegir Ugly Betty þættirnir eru. Ég hef einning heyrt beint frá fólki að það mæli með Veronicu Mars þáttunum. Mikið svakalega er ég glöð að hafa ekki hlustað á það!! Þegar ég var í Lúxemborg í mars, sá ég fyrir tilviljun einn þátt af hvorri seríu. Persónulega finnst mér báðir þættir ömurlegir, í alvöru, VM lét mig fá klígju. Ekta amerískur húmor af vondu tegundinni. Rosalega mikið svona leggja fólki lífsreglurnar án þess að gera það beint og á velgjulegan hátt. Ugh ugh. Nei, ég bara fíla þetta ekki.

Sama má segja um Scrubs. Shit maður, ALLIR virðast eeeelska Scrubs... sem ég bara þoli ekki. Þrátt fyrir að venjulega elski ég allar læknaseríur. Nema kannski Dr. House, hef ekki náð þeirri seríu ennþá. Hef séð örfáa þætti (flesta af þeim reyndar á frönsku) og fannst þeir ekki heillandi. Dr. House fær samt annan séns við tækifæri - á ensku.

S.s. hreint og beint langaði mig að segja hér að mér þætti Ugly Betty, Veronika Mars, Ghost Whisperer, Scrubs og X-files ömurlegir þættir. Það var tilgangur þessarar færslu. Það og að skrifa um Riget.

Já, Riget. Dönsk sería frá 1994 og 1997. Mjög þekkt í Danmörku, gerist á Ríkisspítalanum í Kaupmannahöfn. Í raun eru þetta 2 mini-seríur, ein frá '94 og hin frá '97. Hvor um sig eru fjórir ca. klukkustundalangir þættir. Þar sem vinkona mín er að læra læknisfræði hér í Kaupmannahöfn og mun mjög líklega verða e-ð að vinna á þessum spítala þá fannst okkur við verða að sjá þetta. Fyrst hélt ég að hvor sería fyrir sig væri sjálfstæð og keypti bara þessa fyrstu. Við tókum 2 þætti á kvöldi. Fyrstu tveir voru voða hægir, það gerðist ekki neitt. Seinni tveir, gerist fullt af undarlegum hlutum og svo er maður skilinn eftir í lausu lofti. Shit, þannig við urðum að redda 2. seríu bara til að sjá hvernig þetta myndi enda.
Fyrri tveir þættirnir í seinni seríunni voru ógeðslega leiðinlegir, tvær lengstu klukkustundir sem ég hef upplifað lengi. Okkur langaði ekki neitt að sjá fleiri þætti af þessu drasli en við ákváðum að við yrðum að sjá endan á þessu. Síðustu tveir voru svo skárri... en þessi sería endaði líka í lausu lofti og aldrei voru fleiri gerðar. Þannig við eyddum 8 klst af okkar lífi í þetta DRASL og sjáum mikið eftir því. Ég hata Lars von Trier. Þetta er bara sýra og það á köflum frekar leiðinleg sýra. Eins og sumir aðrir þættir frá þessum tíma (*hóst* X-files *hóst*) þá halda þeir að hlutir verði óhugnalegir og spennandi bara ef þeir gerast mjög hægt og eru mjög súrir. Sú hugmynd hefur ekki elst mjög vel.

Afmælisboð

Lönd - Sneak Preview - Afmæli?

LÖND. Á fyrstu þremur mánuðum þessa árs kom ég við í 7 löndum. Mér finnst það bara nokkuð gott. Ég get allavega ekki kvartað yfir að ferðast ekki nóg.

Ísland - Danmörk - Bandaríkin - Lúxemborg - Þýskaland - Túnis - Frakkland

SNEAK PREVIEW. Í Lúxemborg er bíó sem heitir Utopolis. Á hverjum fimmtudegi kl. 22 eru þeir með Sneak Preview sýningu. Þá er s.s. forsýnd einhver bíómynd en enginn veit hvaða mynd þeir eru að fara á fyrr en hún byrjar. Mig minnir nú að ég hafi e-r tímann heyrt af svona sýningum áður, hvort það var á Íslandi eða í Danmörku eða bæði man ég ekki. Hins vegar finnst mér þetta bara rosalega skemmtileg hefð. Foreldrar mínir, vinir þeirra og systir mín fóru á svona sýningu í lok janúar og voru svo heppin að lenda á Juno. Auðvitað féllu þau þar með alveg fyrir því að fara á svona sneak preview og á meðan ég var í Lúxemborg fór ég tvisvar með einhverjum úr fjölskyldunni á svona sýningar.

Fyrri myndin sem ég sá var The Other Boleyn Girl og þrátt fyrir að lýsing á söguþræðinum myndi eflaust ekki hljóma mjög spennandi í ykkar eyrum þá fannst mér hún frábær. Seinni myndin var svo 21 sem ég skemmti mér stórvel yfir! Ekki endilega besta mynd sem gerð hefur verið, við Benedikta erum sammála um að það sé einn stór galli á söguþræðinum, en hún hefur ríkt skemmtanagildi. Ég væri alveg til í að horfa á hana aftur... kannski oftar en einu sinni.... já, örugglega oftar en það. ... og ekki bara af því að aðalleikarinn er sætur :P

AFMÆLI? Svo var ég að fatta að ég á bráðum afmæli. Christ sko, 22. Anda inn, anda út. Ekki panica. Perkele! Má ég ekki bara vera 17 aftur?

Ég er nú þegar búin að fá tvær afmælisgjafir, æðislega peysu frá foreldrum mínum og svo peysu og pening til að kaupa mér fleiri föt frá ömmu.
Dettur annars ekkert í hug sem mér langar í. Nema jú, ég fann eitt, eftir langa umhugsun! Mig vantar alveg þó nokkra SingStar leiki í safnið og gelgjan ég get náttúrulega ekki lifað við það (jú, okay - það eru nokkrir sem mig langar EKKERT í... t.d. SingStar Bollywood og SingStar Rock Ballads) en já, hmm :) Sem sagt, ef einhver er miður sín og langar rosalega að gefa mér e-ð í afmælisgjöf og veit ekkert hvað - þá er það SingStar -Pop, -Anthems, -Pop Hits eða jafnvel -R&B sem myndi gleðja mitt litla gelgjuhjarta ;P

Ugh!

Faen!

Meira upplífgandi myndbönd

Á Nørrebrogade þann 3.apríl 2008 (sjá fyrri póst)

Eldsvoði

Fyrir einum og hálfum tíma síðan, kl. 14:45, barst lögreglu og slökkviliði tilkynning um eldsvoða á Nørrebrogade 175. Þess má geta að ég bý á Nørrebrogade 170 sem er ská á móti þessari byggingu. Eldurinn hafði kviknað í íbúð á 5.hæð og þrátt fyrir að hann væri mikill þá tókst að slökkva hann áður en hann barst í aðrar íbúðir. Ekki náðist þó að bjarga öllum, ein manneskja brann inni í íbúðinni.

Á meðan á þessu stóð var ég heima að hangsa og horfa á bíómynd. Ég hafði ekki hugmynd um hvað var að gerast beint fyrir utan gluggann hjá mér!! :S Búandi við þessa götu þá eru alltaf sírenur öðru hvoru og maður er löngu hættur að kippa sér upp við það. Manneskja brann inni í 30 metra fjarlægð frá þar sem ég sat og ég hafði ekki hugmynd um að neitt væri í gangi... undarleg tilhugsun. Svo pásaði ég myndina og fór að tékka á emailinu mínu... og þá var pabbi búinn að senda mér email um þetta. Wtf...

http://www.berlingske.dk/article/20080403/danmark/80403122/

http://politiken.dk/indland/article490540.ece