Ground 69

Nú er Ungdomshuset fyrrverandi orðið að Ground 69.
Á mánudaginn síðasta var byrjað að rífa húsið og var verkið klárað 2 eða 3 dögum síðar. Á föstudaginn var gatan fyrir framan það (Jagtvej - með stærri umferðagötum hverfisins) loksins opnuð aftur. Þar með er málinu því miður EKKI lokið.

Á hverjum einasta degi vikunnar hafa verið haldin einhver mótmæli og e-r verið handteknir. Ekki hefur þó komið til jafn mikils brjálæðis og síðustu helgi. Hins vegar hafa "ungmennin" hótað fyrirtækjum og starfsmönnum þeirra fyrirtækja sem unnu við niðurrifið. Verkamennirnir voru svo hræddir að þeir huldu andlit sín allan þann tíma sem þeir unnu við að rífa húsið. Fyrirtæki sem voru ráðin til verks þarna reyndu að dylja hver þau væru en ekki gekk það svo vel.
Fljótlega voru fífl frá ungdomshúsinu búin að birta á netinu nöfn fyrirtækjanna og lista yfir starfsmenn þeirra og myndir. Í byrjun vikunnar var kveikt í tveimur fluttningabílum fluttningafyrirtækis sem hafði verið ráðið til að flytja rusl frá grunninum. Þeir neituðu þá að taka lengur þátt í þessu verkefni. Samt sem áður var enn einn af fluttningabílum þeirra brenndur síðar í vikunni.

Mótmælagöngur vikunnar hafa verið nokkuð friðsælar og margvíslegar. Hávaðagöngur og bangsabúningagöngur og blablabla. Ég er komin svo mikið ógeð á þessum fávitahætti að ég fylgist takmarkað með. Í gegnum vikuna hefur samt ósjaldan heyrst í sírenum og þyrlan góða á það til að vera ekki langt undan.
Í byrjun vikunnar voru handteknir ca. 17 á dag en ég held það hafi farið minnkandi út vikuna... þar til síðustu nótt. Þá ákváðu 1.000 fávitar að halda partý á grunni hússins. Þau voru látin í friði þótt þau kveiktu þar stór bál (3-4m háir logar), gerðu graffítí á nýmálaðann vegg nágrannabyggingar og væru með þvílíkan hávaða. Þegar löggan bað þau um að láta gott heita um kl. 2 í nótt (eftir 4 tíma partý) var e-r mótþrói og endaði það með að 37 voru handteknir. Geta þessir asnar ekki haldið sig á mottunni?
Alls hafa btw 732 verið handteknir frá því 1.mars vegna þessa máls og þar af sitja nú 197 manns í gæsluvarðhaldi.

Löggan er búin að vera frekar nice myndi ég segja miðað við allt kjaftæðið sem þeir hafa mátt þola frá þessu pakki. Þeir deildu út múrsteinum frá húsinu til fólks sem vildi eiga þá til minningar (á svoleiðis að vera í verkjahring lögreglunnar?) og áður en grunnurinn var opnaður færðu þeir öll blómin (það var sko miiiiikið af þeim) frá torginu og lögðu þau á grunninn (annars hefði bara verið keyrt yfir þau öll). Auk þess hafa þeir yngstu sem voru handteknir (undir 18) verið fluttir í e-ð sérstakt fangelsi þar sem þau geta verið öll saman í hóp og þurfa ekki að umgangast aðra fanga.

Búist er við ólátum í dag/kvöld/nótt.


P.s. Fyndið

Haaaalelúja

Myndir teknar út um gluggann hjá mér milli kl. 22:45 og miðnættis þann 3.mars 2007:

Tengist fréttinni sem er linkað á hjá extra bladet hér að neðan.

Fyrir framan bygginguna hér við hliðiná. Þeir handtóku e-n mann með skalla. Voru þarna í óratíma.

Þessir 4 hvítu bílar innihalda 6 lögregluhunda hver.

Götunni lokað

____________________________________________________
kl. 3:51 aðfaranótt 3.maí
Núna síðustu tvo tímana er búið að vera action hér beint fyrir utan. Stúkusæti í íbúðinni minni. Missti reyndar af stærsta lögregluáhlaupinu því ég var dregin út í göngutúr.... bömmer! Sá samt lögregluna reyna að keyra e-n upp að vegg... á bíl.. hefði getað endað mjög subbulega en hálfvitinn slapp með naumindum. Búið að brenna tvo ruslagáma niður fyrir framan kirkjuna (sem ég sé beint út um stofugluggann minn) og svo var reynt að gera götuvígi hér beint fyrir utan - með brauðkössum úr Netto og reiðhjólum mestmegnis... einnig stöku ruslafötu. Löggan kom fyrir korteri síðan og fjarlægði þetta... og handtóku einn beint fyrir utan gluggann minn. Nánar á morgunn plús myndir sem ég tók.

UPDATE kl.21:44:

Ætlaði að vera löngu búin að uppfæra en það fórst fyrir þar sem ég var lítið heima í dag.
Nóttin var áhugaverð, eins og færslan frá því í nótt gaf líklega í skyn. Það var allt í háalofti út um allt hverfið, svo margir eldar að lögreglan og slökkviliðið höfðu ekki við (langt frá því). Það voru ólæti hér fyrir utan en þau voru nú samt bara mjög lítilvæg miðað við hvað var að gerast í öðrum hlutum hverfisins. Var samt heldur óhugnanlegt að sjá strákinn þarna vera næstum smassaðan upp við vegg af lögreglubílunum (einum af þessum stóru sendibílum).
Eitt sem ég gleymdi að minnast á í nótt líka var að það kom alveg rosalega mikill sótsvartur reykur upp frá kirkjugarðinum (alveg við Runddelen) hef ekki hugmynd um hvað það var samt. Reyndi að taka mynd af því en það tókst ekki.
S.s. allt brjálað í nótt, komst ekki að sofa fyrr en rétt fyrir fimm. Í dag hefur verið friðsælt, fávitarnir voru með e-a göngu sem endaði hérna rétt hjá en það var allt á friðsömu nótunum. Búist við óspektum í kvöld og það getur verið að e-ð sé byrjað nú þegar því nú óma sírenur hér fyrir utan og það er búin að vera sveimandi yfir hérna þyrla alltaf öðru hverju síðustu 1-2 klukkustundirnar. Vona að þeir haldi sig frá þessum hluta götunnar í nótt samt - langar að geta sofið. Vil heldur ekki að lögreglan fari að skjóta táragasi hér fyrir utan.

Annars handtók löggan líka ca. 130 manns í morgunn, þeas. réðust inn og handtóku fólkið þar sem það hélt til (svaf). Farnir að snúa smá vörn í sókn greinilega.... ekki veitir af segi ég! (Ég vil ekki hljóma eins og fasisti en þið vitið ekki hvernig þetta búið að vera hérna...). Ég verð fegin þegar þetta er búið. Það var ömurlegt í gærkvöldi að horfa upp á öll þessi eignarspjöll og geta ekkert gert.
Æj, þetta er ömurleg bloggfærsla en ég er massa syfjuð, sorry :S

Ætla að deila með ykkur smá af útsýninu út um gluggann hjá mér í gærkvöldi. (Ekki létt að ná nothæfum myndum með svona myndavél við þessar aðstæður... enda eru þetta langt frá því að vera góðar myndir... Farið inná pol.dk til að sjá almennilegar myndir af rugli næturinnar).

Lögreglan að fjarlægja "vegatálmann" (var nú frekar aumingjalegur þessi) sem var beint fyrir framan húsið mitt um kl. 3:30 í nótt. Var að mestu úr plastkössum sem eru notaðir undir brauð í Netto (stálu þessu úr bakgarðinum á húsinu sem ég bý í), auk reiðhjóla og stöku ruslafata og umferðaskilta.

Farið að skíðloga í gámunum sem sjást á myndinni hér að neðan.

Kveikt var í tveimur gámum á torginu fyrir framan kirkjuna á Stefansgade - séð beint út um stofugluggann hjá mér. Í þeim logaði í allavega 2 tíma eða þar til þeir og allt ruslið var bráðnað/brennt.

Fullt af lögreglubílum komu til að fjarlægja vegatálma sem hópur af fávitum gerði (að mestu úr reiðhjólum) aðeins ofar í götunni. (Horft til vinstri út um svefnherbergisgluggann minn)

Sænsku lögreglubílarnir sem danska lögreglan fékk að láni að fara framhjá húsinu mínu (eitt af grilljón skiptum í nótt)

UPPFÆRSLA KL. 23:15

Læti hafin á ný! Gatan er búin að vera haf af bláum ljósum síðustu 30 mínúturnar eða svo. M.a. vegna þessa. Ég hélt ekki að það væri mögulegt að sjá svona margar lögreglubíla í einu (öll hafa verið slegin á síðustu dögum) en svo virðist vera. Þetta var s.s. í áttina að Nörrebro st (ofar í götunni en húsið mitt) en núna er allt búið að færast að Nörrebro's Runddell (torgið sem er næstum alveg við Ungdómshúsið... get séð glitta í það ef ég sting hausnum út um svefnherbergisgluggann). Það er líka gríðarlega mikið af ungu fólki í götunni sem allt stefnir í átt að Runddelen.
Svo eru búnar að heyrast allavega 3 háar sprengingar og ég frétti frá vini mínum að hann hafi séð að fávitarnir væru að reyna að blinda þyrluflugmennina með grænum laserum. Og að lögreglan sé fyrir utan þar sem hann býr í e-u stórundarlegu ökutæki og allir með gasgrímur... meira táragas á leiðinni! Og hmm.. enn frekar fréttir frá Jagtvej - þar voru að fara framhjá tveir lögreglubílar hvor um sig með 6 lögregluhunda. Díddídím... var að opna gluggann.. megn brunalykt úti... og núna... sírenukór.... ó, þetta á eftir að vera hávær og löng nótt. Aumingja lögreglan :/
Reyksprengja?

Meira

4. maí kl.00:23
Það eru 5 lögreglusendibílar kyrrstæðir fyrir framan húsið mitt og þar með hellingur af lögreglumönnum. 3 löggur fóru rétt áðan í portið fyrir aftan húsið... Ég kunni betur við það þegar átökin voru bara hinum megin í hverfinu.

00:40
Rétt í þessu var maður handtekinn fyrir utan húsið mitt. Hann öskraði og sparkaði og það tók 5 lögreglumenn ágætis tíma að koma honum inn.

01:22
Haahahahahahah!

En læser skriver til ekstrabladet.dk: 'I Møllegade har nogle aktivister fået tæsk, samt fjernet deres bukser at lokale beboere, som ikke vil finde sig i mere vold og ballade. Nørrebro har fået nok af ballademagere.'

Djöfull er löggan að standa sig vel þrátt fyrir erfiðar aðstæður!

02:51
Haha, frábær leiðari! :D
Allt virðist friðsælt núna, góða nótt!

Dagur 2

Í morgunn hefur víst allt verið rólegt. Lögreglan býst þó við helling af mótmælum í dag og hefur kallað inn liðsauka frá öllum landshlutum. Rétt í þessu ók einn af þessum blessuðu brynvörðu bílum -með sírenurnar á- hérna framhjá. Skyldu ólætin vera að byrja?
Held annars að mestu lætin verði í kvöld um ca. 8 leitið en fávitarnir ætla að safnast saman kl. 7 og halda fund á Stengade (sem er gata hér í Nörrebro).


Af fréttasíðu Politiken:

Afbrændt affald på gaden
Fra Kapelvej op mod Nørrebros Runddel ligger strimler af afbrændt affald, massevis af cykler og forskellige effekter, der øjensynligt er hentet fra baggårdene omkring Nørrebrogade.

På Kapelvej ligger en udbrændt Mercedes, og bydelen emmer af røg.

Alt er roligt, og børn på vej til skole tager billeder med mobiltelefoner af ødelæggelserne.

Nørrebrogade er spærret ved Dronning Louises Bro og Hillerødgade, mens størstedelen af Jagtvej er lukket for trafik. En række buslinjer er derfor omlagt.

Af síðu Ungdómshússins:

I de kommende dage fortsætter protesterne efter den kalender, der længe har været fastlagt fra Ungdomshusets side. Fredag d. 2. marts er ”dag 2”, hvor der er lagt op til aktioner og happenings efter fri fantasi. Lørdag d. 3., ”dag 3”, hvor det overordnede tema er trafikdag.

Lørdag er der også demonstration af Borgergruppen for Ungdomshuset. Det er klokken 15 fra Rådhuspladsen og klokken 14 fra henholdsvis Christiania og Vesterbro.

Hvordan protesterne kommer til at udvikle sig er endnu uvist, men mange er naturligvis stadig rasende, så der er bestemt sandsynlighed for, at der igen vil blusse kampe op.

Fyrir þá sem vita ekkert um hvað þetta mál snýst þá bendi ég á þessa bloggfærslu. Auðvitað hefur meira gerst síðan í desember en þið verðið bara að lesa ykkur til um það, t.d. á síðu Politiken. Þar er, meðfram öllum greinum um ungdómshúsið, dálkur ("Fra start til slut") þar sem er farið í mjög fáum orðum um sögu málsins frá 1982 og til gærdagsins. Mjög góð yfirsýn þar sem staðreyndirnar tala fyrir sig í stað þess að verið sé að mata mann með frásögn blandaða skoðunum.

P.S. ...


3. mars kl. 00:53
Allt í klessu aftur - eldsprengjur, steinakast og táragas. Að þessu sinni við Skt Hans Torv ---> pol.dk

Ungdomshuset rutt

Kl. 7 í morgun lét lögreglan til skarar skríða. Ég vaknaði við hávaðann í þyrlunum. Allt gekk vel en þetta er langt frá því að vera búið. Búðir og bankar í hverfinu eru í óða önn að setja tréplötur fyrir alla glugga, búist er við heljarinnar látum kl. 17 og svo áfram næstu daga.

Myndir frá því í dag.

Vídeó á móti Ungdómshúsinu:
http://www.youtube.com/watch?v=7jci3w3zzEk

Getið fylgst með fréttum á síðu Politiken.

Kl. 20:21 Viðbót:

videó:
http://politiken.dk/poltv/?ExtID=1349


Einnig er inná pol.dk mikið af myndum, þar af slatti frá því núna eftir að fór að dimma.
Ég hef aldrei séð jafn mikið af brynvörðum lögreglubílum (eða hvað þessi fyrirbæri kallast) á einum degi (allavega búin að sjá nokkra tugi). Vitleysingarnir hafa verið að kasta götusteinum, flöskum, málningarsprengjum og fleira auk þess að kveikja elda og velta bílum. Lögreglan hefur m.a. svarað með því að nota táragas. Þetta er s.s. allt hérna á Nörrebro -ef þið skoðið videóið eða lesið fréttir af Politiken sjáið þið (minnst á) Sjællandsgade, gömlu götuna mína! Mesta fjörið er á því svæði (4 mín labb héðan?) en við hér hinum megin við Runddelen höfum alveg sloppið hingað til. Svo eru líka læti niðri við Christianshavn og e-r sagði mér að mestu lætin í kvöld ættu að vera við Ráðhústorgið.
Btw seinnipartinn í dag voru negldar plötur fyrir alla glugga á jarðhæð hússins sem ég bý í.


Kl. 23:40 - Update:
Það er víst útgöngubann á Nörrebro. Þeas ef þú ferð út hefur lögreglan rétt til að handtaka þig án nokkurar ástæðu. Er samt alveg slatti af fólki úti.
"Minn" hluti Nörrebrogade er sem fyrr í ró en ég heyrði brothljóð fyrr í kvöld... er nokkuð viss um að það hafi verið brotnar tvær stórar rúður e-r staðar hér nálægt en ég gat ekki séð út um gluggann hvar það var. Neðar í götunni (nær miðbænum) voru ennþá logandi eldar um kl. 22 (var sýnt beint í fréttunum) enda eru alltaf að koma hópar og bæta á bálkestina - lögreglan getur ekki verið alls staðar í einu. Á sama tíma voru ennþá læti á Christianshavn og var sagt að þeir væru farnir að nota táragas þar líka enda er búið að kveikja í e-m bílum þar og vesen. Síðan var e-r sorgarganga, held það hafi verið um 1000 manns sem gengu frá Ráðhústorginu og að Folkets Park þar sem hlutirnir byrjuðu að fara úr böndunum (eru að valda veseni á Elmegade - milli Skt Hans Torv's og Nörrebrogade). Það eru líka eldar á Blågards plads (þar sem mótmælagangan byrjaði kl. 17:00) og vitleysingarnir eru víst búnir að yfirtaka e-ð hús þar. Sjá nánar hér.

Bendi líka á að það er fullt af góðum myndaseríum inná pol.dk, m.a. myndir innan úr Ungdómshúsinu.

Farin að sofa, yfir og út ;)

Loksins, loksins.... erh...

Því lengra sem líður á milli færslna því erfiðara verður að hafa sig í að blogga. Núna t.d. eru tveir mánuðir frá síðustu almennilegu bloggfærslu - ég er búin að lofa að blogga um milljón hluti og síðan það loforð var gefið hafa milljón aðrir hlutir bæst við til að blogga um. Ég get ómögulega staðið undir því. Í fyrsta lagi því ég nenni því ekki og í öðru lagi því ég hef ekki tímann í það. Það yrði auk þess á lengd við ágætis skáldsögu og það myndi enginn nenna a lesa það. Ætla samt að láta af því verða núna að skrifa allavega um e-ð :P Þetta verður svona hoppa-úr-einu-í-annað færsla.

Þetta ár hefur liðið hrikalega fljótt hingað til. Sem er gott, bara merki um að maður hafi nóg fyrir stafni. Eina sem ekki er svo gott við það er að það styttist óðum í 15.mars! Þá þarf ég að vera búin að sækja um í háskólanámið sem ég ætla í næsta haust. Vandamálið er að ég veit ekki ennþá hvaða nám það á að vera. Get vel sagt ykkur að þessi óvissa er mikill stressvaldur í mínu lífi þessa dagana! :S

Tónleikar, byrjum á tónleikum. Tvennir eftirminnilegir sem vert er að nefna:
Fór að sjá Women and Children í Turbinehallerne með Russell. Þau komu skemmtilega á óvart (hafði aldrei heyrt þeirra getið fyrr). Endilega tékkið á laginu þeirra Oranges.
Nýja ástin í lífi mínu er svo The Magic Numbers og fór ég að sjá þau á Vega. Þó svo að mér hafi ekki tekist að fá neinn til að koma með mér (vesen á öllu þessu blanka fólki) þá kom ekki til greina að fara ekki. Ég sá smá eftir því á meðan upphitunarbandið var að spila en svo voru tónleikarnir bara svo yndislega frábærir að mér hefði ekki getað staðið meira á sama. Endilega tékkið á fyrstu plötunni þeirra (sem er samnefnd bandinu), hef sjálf ekkert hlustað á seinni plötuna og spiluðu þau lítið af henni. Yndislegt popp.
- Óh, hey... sá líka Pétur Ben spila í 12 tónum... það var mega mega flott. Varð barasta að kaupa diskinn eftir að hafa séð hann spila... finnst hann reyndar so far betri live en á plötunni.

Fyrir þremur vikum síðan fór ég í "helgarferð" til suðurhluta Sjálands en þangað hef ég aldrei komið áður (svo ég muni...). Josef vinur minn var svo frábær að bjóða mér með í heimsókn til ömmu hans og afa sem búa í Mern. Við tókum lestina niður til Voldingborg og þangað kom afi hans (sem er 80 og e-ð) og sótti okkur. Þetta var nú held ég bara hressasta 80+ par sem ég hef nokkurn tímann hitt! Fyrir utan að sjá um slatta af geitum, hænsnum og fleiri dýr þá veiða þau sjálf í matinn (fiska í net og skjóta fasana, dádýr og fleira), höggva eldivið og bara allt. Mega yndisleg bæði tvö líka og var þetta frábær helgi. Smakkaði ál og er það bara einn besti matur sem ég hef nokkur tímann fengið! Hundinum á bænum (sem er btw e-ð geðveikur) leist þó ekki á mig og reyndi ítrekað að komast að mér til að éta mig fyrsta daginn. Hann róaðist þó þegar við fórum með hann í langan göngutúr í skóginum á laugardeginum og ég mútaði honum með fullt af illalyktandi hundakexi.

Stutt kvikmyndagagnrýni og view-blogg:

"...bíómyndir (Das Leben der Anderen, The Queen, 200 cigarettes, Eragon, James Bond, Rocky Horror Picture Show, Happy Feet),..."

- Das Leben der Anderen er mjög fín en ekki jafn stórkostleg og dómarnir benda til að hún sé. Dró Guðrúnu Ágústu og Isju með mér á þessa.
- The Queen kom mér skemmtilega á óvart og var ég flissandi eins og hálfviti mest allan tímann (grunar að öðru fólki í salnum hafi fundist ég heldur skrítin). Kannski ekki fyrir alla (maður þarf að geta séð húmorinn í litlu hlutunum) en ég mæli þó með henni. Minnir að það hafi verið með Isju sem ég fór að sjá þessa í Grand Teatret.
- 200 cigarettes, jájá, gömul mynd og ekki seinna vænna að sjá hana. Þetta er ein mesta feel good mynd sem ég hef nokkur tímann séð og hlakka ég til að sjá hana aftur! Svona mynd sem gott er að eiga á DVD og horfa á aftur og aftur (þunglyndis-, þynnku- og ástarsorgarmeðal?). Við Sara horfðum saman á hana e-r tímann í desember - mega kósí að hreiðra um sig upp í rúmi með pizzu og kók á meðan vindurinn baulaði úti með tilheyrandi rigningu og kulda.
- Eragon var drasl. Frekar sundurlaus, skrítinn uppbygging, söguþráðurinn samansull úr nokkrum öðrum myndum/bókum? Man ekki nógu mikið eftir henni til að geta gagnrýnt hana illilega en það hafði ég nú ætlað mér að gera. Ekki alslæm (heldur alveg athygli þinni) en það hefði verið hægt að gera mun betri mynd úr þessu... well.. allavega skárri. Við systkinin og Aggi sáum þessa í Lúxemborg rétt fyrir jól.
- Casino Royale/James Bond var barasta fín. Fannst nú reyndar ekki svo mikið gerast í henni miðað við hvað hún er löng en það er gaman að sjá hvernig persónan James Bond varð eins og hann er. Auk þess er minna lagt upp úr svona gadget rugli og því verður hún mun trúverðugari en aðrar James Bond myndir. Daniel Craig stendur sig vel en djöfull er hann ljótur þegar hann er kominn úr fötunum. Besta við myndina var atriðið á Bodyworld sýningunni. Enginn sem ég þekkti hafði áhuga á að sjá Bondinn þannig ég fór bara ein (plebbar :) ).
- Rocky Horror Picture Show - já, ég hafði virkilega aldrei séð hana áður. Fyndið hvað hún er bara gerð til að hneyksla fólk :) Ágætlega gaman af henni bara. Einar Valur var svo hneykslaður á að ég hefði ekki séð þessa mynd að hann bauð mér að koma og horfa á hana hjá sér í september. Busy little me varð að beila á því í þeirri Íslandsferð en ég kíkti til hans í staðinn núna eftir áramótin.
- Happy Feet. Jiii, já... þessi mynd. Ekki slæm... en... eh.. jáh, shite... rosalega verið að mata mann á fullu með alls konar boðskap út í gegn. Hefði alveg verið hægt að gera miklu betri mynd úr þessu... alveg fín atriði inná milli samt. Fór með Huldu, Sillu og sillukærasta að sjá þessa á Íslandi.

Jólin í Lúxemborg voru mega kósí - yndisleg í alla staði. Gísli guidaði okkur systrunum og Agga um næturlíf Lúxemborgar og var það óhugnalega troðið af rosalega ungum krökkum - sem orsakaði það að við flúðum yfir á hommabarina. (Btw Benedikta sendu mér myndirnar sem við tókum þegar við fórum þarna í bæinn seinna kvöldið :D Man það voru e-r mega fyndnar - langar að sjá og eiga!)
Áramótin og dagarnir þar í kring á Íslandi voru voða fínir. Fór í nýárspartý hjá Sölva sem var mega nice og hélt svo yfir í Hawaii partý hjá Dabba sem var ágætt (takk fyrir farið Tommi ;*) - yndislegt að hitta alla þessa vini sem maður hefur ekki séð svoooo lengi! Tókst reyndar að detta illilega á rassinn á leiðinni úr einu partýinu í annað... nei, ég var ekki full, það var bara fokking hált... btw þá þarf maður að vera mega fær til að geta dottið á rassinn og hnéð í einu! (skil ekki ennþá hvernig það gerðist en ég var marin á hnénu lengi á eftir...). Held samt að afmælispartýið hennar Benediktu hafi verið skemmtilegasta partýið sem ég fór í á meðan þessari Íslandsdvöl stóð - kannski af því það var svo gaman að kynnast öllum þessum flippuðu vinum hennar ;D
Jájá, annars var ég nú ekki alveg nógu dugleg við að þeytast um og hitta fólk á klakanum, bæði vegna leti og veikinda og... já.. og vegna þess að Tommi gúrka gaf mér fimmtu seríu af 24 í jólagjöf og ég var föst (ásamt svotil allri fjölskyldunni) við sjónvarpið ansi margar klukkustundir af þeim sökum.

Talandi um sjónvarp, Heroes er best. Ef þið vitið ekki hvað ég er að tala um - finnið út úr því. (Nei, það er ekki bara af því að svo margir af gaurunum í þessum þáttum eru hrikalega hot - það skaðar þó ekki!! :P ).

Og já, talandi um hot þá er það andstæðan við Kaupmannahöfn þessa daganna. Það byrjaði að snjóa síðasta þriðjudag (það var hreint og beint ógeðisveður). Danir eru ekki alveg að höndla 20cm af snjó og hefur hálf Danmörk því verið í stöppu síðustu 3 daganna. Ég er ekki alveg að höndla þetta heldur, einfaldlega því ég hata snjó í borgum og held mig því innandyra eins mikið og ég get.

Á þriðjudaginn kom líka annar óvæntur atburður uppá - ég kom heim og fann blómvönd á útidyramottunni minni. Það var umslag með þeim merkt mér og í því skilaboð (á ensku) en ekkert nafn.. Ennþá veit ég ekki hvaða sæta sál sendi þessi blóm en ég vil gjarnan komast að því :)

Í byrjun janúar fór ég og hitti lækni sem gerðist svo djarfur að heimta vöðvasýni úr sköflungnum mínum. Staðdeyfing, gert gat, stórri nál (sem er hol að innan) stungið í vöðvann og þannig bútur rifinn út. Ekki þægilegt get ég sagt ykkur en það varð verra þegar staðdeyfingin fór. Hef þó prófað margt sársaukrafyllra (það er ótrúlegt hvað læknar eru tilbúnir að láta mann ganga í gegnum ef maður er með forvitnilegan vöðvasjúkdóm) þannig þetta var allt í lagi. Verst að þetta skilaði voða litlum niðurstöðum... Þá heimtuðu þeir bara blóð í staðinn og líklega á að senda það út um allar trissur (mögulega til Parísar, Ástralíu og Helsinki) til að skoða dna-ið mitt betur... gaman gaman...

Hjalti og Kaisu kíktu í heimsókn til mín síðustu helgi frá Finnlandi og var alveg frábært að hafa þau hér :) Þau komu á föstudagskvöldi og voru fram á þriðjudagsmorgunn. Sunnudagurinn var virkilega kósí en þá sýndi ég þeim hverfið mitt - set hér með eina mynd sem ég tók af þeim útí kirkjugarði. Er andlega skemmd eftir mánudaginn en þá drógu þau mig á Erótíkursafnið. Nei, ég er ekki tepra - það þarf ansi mikið til að mér blöskri. Það sem dugði til var stuttmynd sem sýndi konu hafa ýmis alltof náin samskipti við hest, svín og hund. Þetta var held ég bara það viðbjóðslegasta sem ég hef nokkur tímann séð :/

Helvítis ungdomshus-fávitarnir eru ennþá með djöfulsins leiðindi og stefnir allt í risastríð hérna þegar lögreglan mun ráðast til atlögu til að rýma húsið. Sjá m.a. hér og svo er e-ð smá hér.

Jiiii, nú ætla ég að hlífa ykkur við meira blaðri í bili! Sleppa því að segja ykkur frá ferðinni í Folketinget (alþingi dana), læknisfræðisafninu, Apparatet að sjá Russell dj-a, blablabla... nennir hvort sem er enginn að lesa meira :D
Endilega kommentið! Langar að vita hvort e-r kíkir hérna inná ennþá! (og hey! Addið mér á Skype! (Smisty))!! ;)

*knús og kram*

Um kl. 15:15 í dag

Bloggleysi!

Já, hæ þið! Ég hef ekki staðið mig í því að blogga undanfarið.. veit það vel. Er alltaf á leiðinni að bæta úr því en e-n veginn er bara búið að vera svo mikið að gera síðan árið hófst :)
Ég hef heldur ekki tíma núna... kl. 22:30 og ég er dauðþreytt eftir langan og frábæran dag. Fór með Guðrúnu Ágústu í hádegisbíó, síðan á rosalega óhugnalega en áhugaverða sýningu um geðlækningar og enduðum á myndlistarsýningu. Síðan ég kom heim fyrir ca. 4 tímum er ég búin að elda, borða, þvo þvott, tala allt of mikið í símann (hey, það var hringt í mig - ekki öfugt), fylla út spurningalista og sitthvað fleira... á ennþá eftir að læra, vaska upp, taka til etc... en þarf samt eiginlega að drífa mig í háttinn því ég þarf að vakna 6:30 á morgunn.. þannig já, blogg verður að bíða áfram!

En það mun verða bloggað um jólafríið, skemmtileg áramót, bíómyndir (Das Leben der Anderen, The Queen, 200 cigarettes, Eragon, James Bond, Rocky Horror Picture Show, Happy Feet), sóðalega sögu geðlækninga, subbulega bari, hommabari, tónleika (The Magic Numbers, Women and Children og fleiri), drykkju dana á þriðjudagskvöldum, Heroes-fíkn mína, djamm menningu Lúxemborgar, Bítlavegg, vöðvasýni og sársaukann sem þeim fylgir, hversu mikið ég elska ipod-inn minn, kulda, neikvæðni, Chaplin og svo framvegis.

Í sárabætur fyrir stuttaralega bloggfærslu set ég hérna tvær myndir sem voru teknar uh... þarsíðasta laugardag (gerir færsluna pínu ponsu áhugaverðari, errr... eða e-ð). Teknar stuttu áður en að við héldum yfir á Rust og dönsuðum frá okkur allt vit :)

Myndir úr jólafríi

Smá sýnishorn - meira á myndasíðunni.

Fjölskyldumyndin er tekin af Gassa